جامبىل وبلىسىندا باسقارما باسشىسىنىڭ پارا الدى دەگەن كۇدىككە ىلىنگەنى تۋرالى اقپارات الەۋمەتتىك جەلىلەردە تارادى، دەپ حابارلايدى Dala News.
جەلىدە جاريالانعان مالىمەتتەرگە سايكەس، وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەركىن كەلەسوۆ قىزمەتتىك كابينەتىندە ۇستالعان.
تاراعان اقپاراتتا ونىڭ 4 ملن تەڭگە كولەمىندە پارا العانى ايتىلعان. سونداي-اق كادرلاردا ارنايى قىزمەت وكىلدەرى تاراپىنان ۇستالۋ ءساتى جانە اقشا قاراجاتى كورسەتىلگەن.
الايدا قازىرگى ۋاقىتتا بۇل دەرەككە قاتىستى رەسمي ورگاندار تاراپىنان ناقتى تۇسىنىكتەمە بەرىلگەن جوق.
وقيعانىڭ ءمان-جايى ناقتىلانىپ جاتىر.
رەداكسيا جامبىل وبلىسى بويىنشا ۇقك دەپارتامەنتىنە رەسمي ساۋال جولدادى.
