سىبايلاس جەمقورلىققا قارسى قىزمەتتە «قازاۆتوجول» فيليالىنىڭ جامبىل وبلىسى بويىنشا باسشىلىعىنا قاتىستى تەرگەۋ باستالعانى بەلگىلى بولدى. بۇعان دەيىن جەلىدە تارازدا «قازاۆتوجول» فيليالىنىڭ باسشىلارىنا قاتىستى تەرگەۋدىڭ باستالۋى تۋرالى اقپارات پايدا بولعان ەدى.
الايدا، «قازاۆتوجول «ۇك» اق جامبىل وبلىسىنداعى فيليال باسشىلارىن قىسقى ۇستاۋ بويىنشا جۇمىستاردى ۋاقتىلى جۇرگىزبەگەنى ءۇشىن جاۋاپكەرشىلىككە تارتۋ تۋرالى اقپارات شىندىققا جاناسپايدى دەپ مالىمدەدى.
جامبىل وبلىسىنىڭ رەسپۋبليكالىق ماڭىزى بار اۆتوموبيل جولدارىمەن ءجۇرۋ قامتاماسىز ەتىلگەن جانە اۆتوكولىك ءۇشىن قوزعالىس شەكتەۋلەرى جوق. ول ايماقتاعى تابيعي توتەنشە جاعدايعا بايلانىستى 2023 جىلدىڭ 11-17 جەلتوقسانى ارالىعىندا ۋاقىت شەكتەۋلەرىن ەنگىزۋدى ەسكە سالادى. ۇلتتىق كومپانيا سونىمەن قاتار اۆتوجولداردى تازالاۋ جۇمىستارى نورماتيۆتىك مەرزىمدەرگە سايكەس جۇرگىزىلگەنىن اتاپ كورسەتەدى.
ەستەرىڭىزگە سالساق، بۇعان دەيىن ۇلتتىق قاۋىپسىزدىك كوميتەتى «قازاۆتوجول» ۇلتتىق كومپانياسى» اكسيونەرلىك قوعامى پاۆلودار قالالىق فيليالىنىڭ باسشىلىعى مەن قىزمەتكەرلەرىنىڭ جەمقورلىق ىس-ارەكەتىنىڭ جولىن كەسىلگەنىن مالىمدەگەن بولاتىن.
