جامبىل وبلىسىنىڭ بۇرىنعى اكىمى جانە "قازسەلدەنقورعاۋ" بۇرىنعى باسشىسى كارىم كوكىرەكبايەۆ سوت زالىندا قاماۋعا الىندى، دەپ حابارلايدى Dalanews.kz.
2024 جىلدىڭ 7 ماۋسىمىندا الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ق ر تجم "قازسەلدەنقورعاۋ" مم بۇرىنعى باسشىسى كارىم كوكىرەكبايەۆتى سىبايلاس جەمقورلىق ءىسى بويىنشا اقتاعان.
ونىڭ ورىنباسارى احاتايەۆ پارا العانى ءۇشىن، ال Bazis Construction Infr ج ش س فيليالىنىڭ ديرەكتورى پوپلاۆسكيي اسا ءىرى مولشەردە پارا بەرگەنى ءۇشىن كىنالى دەپ تانىلدى.
"الماتى وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى 2024 جىلدىڭ 7 ماۋسىمداعى القابيلەردىڭ قاتىسۋىمەن كارىم كوكىرەكبايەۆقا، ءادىل احاتايەۆقا، اندرەي پوپلاۆسكييعا شىققان ۇكىمنىڭ كۇشى جويىلسىن. قىلمىستىق ءىس باستى سوت تالقىلاۋىن وتكىزۋ ءۇشىن ءىس قارالعان سوتقا جولدانسىن"، - دەلىنگەن ءىس ماتەريالدارىندا.
ورىنباسارى جانە پارا بەرۋشى ج ش س ديرەكتورى – ەكەۋى دە سوت شەشىمىمەن 11 جىلعا سوتتالدى.
الماتى وبلىسىنىڭ پروكۋراتۋراسى ءبىرىنشى ساتىداعى سوتتىڭ قاتەلىكتەرىنە بايلانىستى كوكرەكبايەۆ ۇكىمىنە اپەللياسيالىق شاعىم ءتۇسىردى.
2024 جىلعى 25 شىلدەدە الماتى وبلىستىق سوتى اپەللياسيانى قاناعاتتاندىرىپ، ءىستى قايتادان قاراۋعا جىبەردى. ۇكىمنىڭ كۇشىن جويدى. كارىم كوكرەكبايەۆ سوت زالىندا قاماۋعا الىندى.
ايتا كەتەيىك، 2023 جىلدىڭ مامىر ايىندا انتيكور وسى ءىس بويىنشا ايىپتىلار كاسىپكەرلەردەن 396 ميلليون تەڭگە پارا العانىن جاريالادى.ونىڭ ۇستالعانى تۋرالى 2022 جىلدىڭ 27 جەلتوقسانىندا بەلگىلى بولدى.
ەسكە سالايىق، كارىم كوكىرەكبايەۆ ءار جىلدارى جامبىل وبلىسى مويىنقۇم اۋدانىنىڭ اكىمى، تابيعي رەسۋرستار جانە قورشاعان ورتانى قورعاۋ ۆيسە-مينيسترى، "ەيرقازاقتۋر" ءجشس-نىڭ باس ديرەكتورى، "قازاقستان تەمىر جولى" ۇلتتىق كومپانياسىنىڭ ۆيسە-پرەزيدەنتى، باسقارۋشى ديرەكتورى، دامۋ جونىندەگى ۆيسە-پرەزيدەنتى، باس ينجەنەرى بولىپ قىزمەت ەتكەن. جامبىل وبلىسى اكىمىنىڭ ورىنباسارى، جامبىل وبلىسى اكىمنىڭ ءبىرىنشى ورىنباسارى لاۋازىمىندا بولدى.
