ۇكىمەتتىك جۇمىس توبى جاعدايدى ساراپتاپ، باعالاۋ جانە جەدەل شارالار قابىلداۋ ءۇشىن جامبىل وبلىسىنا جىبەرىلدى، – دەپ حابارلايدى Dalanews.kz.
پرەمەر-مينيستر ولجاس بەكتەنوۆتىڭ تاپسىرماسى بويىنشا جامبىل وبلىسىندا ورىن العان جەر سىلكىنىسىنە بايلانىستى جەرگىلىكتى اتقارۋشى ورگاندارعا جاعدايدى تالداۋ، جەدەل ءىس-شارالار قابىلداۋ، كەلتىرىلگەن شىعىندى انىقتاۋ جانە باعالاۋ ماسەلەلەرىندە كومەك كورسەتۋ ءۇشىن توتەنشە جاعدايلار ۆيسە-مينيسترى باستاعان ۇكىمەتتىك جۇمىس توبى وڭىرگە جىبەرىلدى.
سونداي-اق، جۇمىس توبى قۇرامىندا – ونەركاسىپ جانە قۇرىلىس مينيسترلىگى قۇرىلىس جانە تكش ىستەرى كوميتەتىنىڭ ءتوراعاسى، «قازقسعزي» اق فيليالىنىڭ باسشىلىعى، ۇكىمەت اپپاراتىنىڭ وكىلدەرى بار.
پرەمەر-مينيستر ءبىرىنشى كەزەكتە الەۋمەتتىك جانە تىرشىلىكتى قامتاماسىز ەتەتىن نىساندارداعى، جول قاتىناستارى مەن ونەركاسىپ كاسىپورىندارىنداعى جاعدايدى باسىم تارتىپپەن باقىلاۋدا ۇستاۋدى تاپسىردى. سونىمەن قاتار نىسانداردى تەكسەرۋ، شىعىنداردى باعالاۋ جانە دەرەكتەردى جيناۋ بويىنشا ءموبيلدى توپتاردىڭ سانىن كوبەيتۋدى تاپسىردى.
جەر استى ءدۇمپۋىنىڭ جوعارى قارقىنى 5 بالل بولدى، بۇل مەركى اۋدانىنداعى مەركى اۋىلىندا تىركەلدى.
"وبلىس اكىمىنىڭ تاپسىرماسىنا سايكەس جەدەل شتاب قۇرىلدى. وبلىس اكىمىنىڭ ورىنباسارى قاناتبەك مادىبەك ءتوراعالىق ەتكەن ونىڭ قۇرامىنا ازاماتتىق قورعاۋ قىزمەتىنىڭ، جەرگىلىكتى اتقارۋشى ورگانداردىڭ، ءتيىستى ۆەدومستۆولاردىڭ وكىلدەرى كىردى.زارداپ شەككەندەر تۋرالى اقپارات جوق. اۋداندارداعى نىساندار شتاتتىق رەجيمدە جۇمىس ىستەپ جاتىر"، - دەپ جازىلعان بۇعان دەيىنگى اكىمدىك حابارلاماسىندا.
