جامبىل وبلىسىندا انتيمونوپوليالىق زاڭنامانى بۇزعان كاسىپورىن انىقتالىپ، ايىپپۇل سالىندى جانە مونوپوليالىق جولمەن الىنعان تابىستان ايىرىلدى، دەپ حابارلايدى Dalanews.kz.
بۇل تۋرالى وڭىرلىك سوتتاردىڭ بىرىككەن باسپا ءسوز قىزمەتى حابارلادى. ءىستى مويىنقۇم اۋداندىق سوتى قاراعان.
سوت ماتەريالدارىنا سايكەس، ەكى كاسىپورىن مەملەكەتتىك ساتىپ الۋعا قاتىسىپ، لوتتاردى ءوزارا ءبولىسۋ تۋرالى كەلىسىپ، ءبىر IP-ادرەستەن ءوتىنىم جولداعان. بۇل جاعداي انتيمونوپوليالىق ورگاننىڭ تەكسەرىسى ناتيجەسىندە دالەلدەنگەن جانە اكىمشىلىك قۇقىقبۇزۋشىلىق تۋرالى حاتتامادا ناقتى كورسەتىلگەن.
سوت پروسەسىنە قاتىسقان كومپانيا وكىلدەرىنىڭ ءبىرى ءوز كىناسىن تولىعىمەن مويىندادى. كاسىپكەرلەرگە ايىپپۇلدىڭ تەك 70 پايىزىن تولەۋگە رۇقسات ەتىلدى، بۇل شامامەن 418 مىڭ تەڭگەنى قۇرادى.
انتيمونوپوليالىق ىس-ارەكەتتەردىڭ ناتيجەسىندە الىنعان 2،4 ميلليون تەڭگە كولەمىندەگى تابىس مەملەكەت پايداسىنا تاركىلەندى.
سوت قاۋلىسى زاڭدى كۇشىنە ەندى.
