جامبىل وبلىسىندا الاياق مۇگەدەكتىگى بار تۇلعانىڭ پاتەرىن زاڭسىز يەمدەنىپ العانى بەلگىلى بولدى، دەپ حابارلايدى Dalanews.kz.
جىلجىمايتىن مۇلىك الاياقتىعى كوپتەگەن ادامدارعا، اسىرەسە ازاماتتاردىڭ وسال ساناتتارىنا اسەر ەتەتىن وزەكتى جانە كۇردەلى ماسەلە بولىپ سانالادى.
الاياقتار كوبىنەسە قۇرباندارىنىڭ مۇلكىن زاڭسىز يەمدەنۋ ءۇشىن ولاردىڭ سەنگىشتىگى مەن دارمەنسىزدىگىن پايدالانادى.
«تاراز قالاسىنىڭ پروكۋراتۋراسى پسيحيكالىق اۋىتقۋشىلىقپەن اۋىراتىن 1-توپتاعى 62 جاستاعى مۇگەدەك ايەلگە تيەسىلى جىلجىمايتىن مۇلىكتى زاڭسىز يەمدەنۋ فاكتىسىن انىقتادى. 2023 جىلدىڭ ماۋسىم ايىندا الاياق ونىڭ جاعدايى مەن دارمەنسىزدىگىن پايدالانىپ، تاراز قالاسى، «قاراتاۋ» مولتەك اۋدانىندا ورنالاسقان ەكى بولمەلى پاتەردى 9 ملن تەڭگەگە ساتىپ جىبەرگەن.
پروكۋراتۋرانىڭ تالاپ ارىزى بويىنشا قالالىق سوتتىڭ 2024 جىلعى 16 قىركۇيەكتەگى شەشىمىمەن پاتەر يەسىنە قايتارىلدى.
سونىمەن قاتار، قالا پروكۋراتۋراسى الاياققا قاتىستى قىلمىستىق كودەكستىڭ 190-بابىنىڭ 3-بولىگىمەن قىلمىستىق قۋدالاۋدى باستاپ، كۇدىكتى قاماۋعا الىندى. ونىڭ وسىعان ۇقساس باسقا دا الاياقتىققا قاتىسى بار ەكەنى انىقتالدى. قىلمىستىق پروسەستىك كودەكسىنىڭ 201-بابىنا سايكەس وزگە دە مالىمەتتەر جاريا ەتۋگە جاتپايدى»، - دەلىنگەن وبلىستىق پروكۋراتۋرا حابارلاماسىندا.
