وڭتۇستىك قازاقستان وبلىسىندا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ماقساتىندا وبلىس اكىمى جانسەيىت تۇيمەبايەۆ وڭىرىمىزدەگى اقساقالدار مەن زيالى قاۋىم وكىلدەرىمەن دوڭگەلەك ۇستەل وتكىزدى. «رۋحاني جاڭعىرۋ: بەرەكە باسى – بىرلىك» اتتى جيىننىڭ ماقساتى – جىل بويى اتقارىلعان جۇمىستارعا باعا بەرىپ، الداعى اتقارىلار جۇمىستاردى كەڭەسۋ بولاتىن. 

مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جارىق كورگەنىنە جەتى ايدان اسا ۋاقىت ءوتتى. سودان بەرى ەلىمىزدە، ونىڭ ىشىندە وڭتۇستىك قازاقستان وبلىسىندا دا يدەولوگيا سالاسىندا قوعامدىق سانانى جاڭعىرتۋ باعىتىندا ءتۇرلى جوبالار قولعا الىنىپ، اۋقىمدى جۇمىستار اتقارىلۋدا. دوڭگەلەك ۇستەل بارىسىندا ءسوز العان ءوڭىر باسشىسى ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ماقساتىندا 66 جوبا بويىنشا 121 ءىس-شارانى جۇزەگە اسىرۋ قولعا الىنعانىن جەتكىزدى.

– قىمباتتى اعالار مەن اپالار! سىزدەردى ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن بىرلەسە جۇزەگە اسىرۋعا شاقىرامىن. الداعى كەزدە ءبىز دە تالاپتى كۇشەيتە تۇسەمىز. وبلىستاعى 720 مىڭنان استام جىلجىمايتىن مۇلىكتىڭ كەلبەتىن كورىكتەندىرۋگە قول جەتكىزەمىز. البەتتە، بۇل رەتتە سىزدەردىڭ كومەكتەرىڭىزگە سۇيەنەتىن بولامىز.  جاستارىمىزدىڭ تالىم-تاربيەسىنە، بىلىمىنە اسا كوڭىل ءبولۋىمىز قاجەت. وسى تۇرعىدا سىزدەردىڭ قوسار ۇلەستەرىڭىز وراسان زور. «قارتى بار ەل – قازىنالى ەل» دەگەندەي، سىزدەر ءبىزدىڭ قازىنامىز بولۋمەن قاتار، باعىت-باعدار بەرەتىن دانالىقتىڭ سارقىلماس بۇلاعىسىزدار»، – دەدى جانسەيىت قانسەيىت ۇلى.

كەزدەسۋدە وبلىستىق ارداگەرلەر كەڭەسىنىڭ ءتوراعاسى جەڭىسبەك ماۋلەنقۇلوۆ بايانداما جاساپ، ەلدى بىرلىك پەن ىنتىماققا شاقىرۋدا ارداگەرلەردىڭ ەڭبەگى وراسان ەكەنىن اتاپ ءوتتى. ول سونداي-اق ارداگەرلەردى ەلباسى ماقالاسىنىڭ ەل اراسىندا ءوز دەڭگەيىندە ناسيحاتتالۋىنا كۇش سالۋعا شاقىردى.

«بۇگىنگى تاڭدا وبلىسىمىزدا قىرۋار تىرلىكتەر اتقارىلىپ جاتىر. ءوڭىردىڭ الەۋمەتتىك-ەكونوميكالىق دامۋ كورسەتكىشتەرى دە جىل ساناپ جاقسارىپ كەلەدى. مەملەكەت تاراپىنان بارلىق سالالارعا قولداۋ قارجى مەن قاجەتتى قامقورلىق كورسەتىلىپ وتىر. بۇگىنگى قوعامنىڭ ونىڭ ىشىندە جاستار تاربيەسىنە، وتباسى قۇندىلىقتارىن ساقتاۋ، اۋىزبىرلىك پەن ىنتىماققا شىقىرۋ، حالىقتى ەلباسىمىز كورسەتىپ وتىرعان باعىت-باعدارمەن حاباردار ەتۋ وسىندا وتىرعان بارشا ابىز-اقساقالدارىمىزدىڭ ەڭ باستى مىندەتتەرى دەپ سانايمىن»، - دەدى جەڭىسبەك ماۋلەنقۇلوۆ.

مۇنان سوڭ ەڭبەك ارداگەرى، تۇركىستان قالالىق ارداگەرلەر كەڭەسىنىڭ مۇشەسى مىرزان حاندىللايەۆ، ەڭبەك ارداگەرى قارسەنباي قۋناق، تىل ەڭبەككەرى رايسا احمەتوۆا، سارىاعاش اۋداندىق ارداگەرلەر كەڭەسىنىڭ ءتوراعاسى مۇستافا سۇلەيمەنوۆ، ەڭبەك ارداگەرى بەگىم سەرىكوۆ، رەسپۋبليكالىق «دوستىق» وزبەكتەر قاۋىمداستىعىنىڭ ءتوراعاسى يكرام حاشيمجانوۆتار ءسوز سويلەپ، ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن بىرلەسىپ جۇزەگە اسىرۋ جونىندە ءوز وي-پىكىرلەرىن ورتاعا سالدى.



ايتا كەتەيىك، بۇگىندە وبلىسىمىزدا ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ماقساتىندا 844 ەلدى مەكەندە 3185 ءىس-شارا وتكىزىلگەن. ماقالادا ەرەكشە اتالعان جوبالاردى جۇزەگە اسىرۋعا 2022 جىلعا دەيىن 16،2 ملرد. تەڭگە ءبولۋ جوسپارلانىپ وتىر. جىل باسىندا «اتامەكەن» كىشى باعدارلاماسى اياسىندا وبلىستان شىققان 205 تۇلعانىڭ قاتىسۋىمەن «تۋعان جەردى تۇلەتۋ – پەرزەنتتىك پارىز» باسقوسۋى جوعارى دارەجەدە ۇيىمداستىرىلدى. بۇگىنگى كۇندە وبلىسىمىزدا كاسىپكەرلەر، دەمەۋشىلەر تاراپىنان جالپى 30 ملرد. 350 ملن. تەڭگەنى قۇرايتىن 529 وڭىرلىك جوبا قولعا الىنىپ وتىر.

بۇدان بولەك، «رۋحاني قازىنا» كىشى باعدارلاماسى بويىنشا «اجارلى ءۇي – ىرىستى» جوباسى اياسىندا 120-دان استام بەلسەندى، ەرىكتى جاستار ەلدى مەكەندەردى اباتتاندىرۋ ماقساتىندا كومەككە ءزارۋ 543 وتباسىنىڭ اۋلالارىن تازالاپ، قورشاۋلارىن، قاقپالارىن سىرلاپ، اۋىل اجارىنىڭ ارتۋىنا ءوز ۇلەستەرىن قوسقان.

مۇنان سوڭ جيىن سۇراق-جاۋاپ ۇلگىسىنە كوشتى. كەزدەسۋ سوڭىندا وبلىس اكىمى بارشا ارداگەرلەرگە سىي-سياپات جاسادى.

 

وقو اكىمىنىڭ باسپا ءسوز قىزمەتى