يزرايل ەسكەري ۇشاقتارى سيرييانىڭ سولتٷستٸك-باتىسىنداعى يدليب پروۆينتسيياسىندا ورنالاسقان ەبۋ ەد-دۋحۋر ەسكەري ەۋە بازاسىنا سەگٸز رەت سوققى جاسادى, دەپ حابارلايدى dalanews.kz.
Reuters مەلٸمەتٸنشە, شابۋىل سەيسەنبٸ كٷنٸ تاڭەرتەڭ بولعان. سيرييانىڭ مەملەكەتتٸك Ekhbariya تەلەارناسى ەسكەري دەرەككٶزگە سٸلتەمە جاساپ, سوققىلاردىڭ ەۋە بازاسىنىڭ ۇشۋ-قونۋ جولاعى مەن قويمالارىنا باعىتتالعانىن حابارلادى.
شابۋىل سالدارىنان ەسكەري نىساننىڭ ينفراقۇرىلىمىنا ماتەريالدىق زالال كەلگەن. ەسكەري دەرەككٶز بەن بازا ماڭىندا تۇراتىن تۇرعىننىڭ ايتۋىنشا, قازا تاپقاندار مەن جارالانعاندار تۋرالى اقپارات جوق.
يزرايل ەسكەرٸ شابۋىلعا قاتىستى تٷسٸنٸكتەمە بەرمەدٸ. سيرييانىڭ قورعانىس مينيسترلٸگٸ دە Reuters اگەنتتٸگٸنٸڭ ساۋالىنا جاۋاپ بەرگەن جوق.
ەبۋ ەد-دۋحۋر ەسكەري بازاسى تٷركييا شەكاراسىنان شامامەن 70 شاقىرىم جەردە ورنالاسقان. نىسان 2013 جىلدان بەرٸ تولىققاندى ەسكەري ەۋە بازاسى رەتٸندە پايدالانىلماعان. سيريياداعى 14 جىلدىق ازاماتتىق سوعىس كەزٸندە بازا بٸرنەشە رەت ەرتٷرلٸ كٷشتەردٸڭ باقىلاۋىنا ٶتكەن.
Reuters مەلٸمەتٸنشە, بۇل ەبۋ ەد-دۋحۋر بازاسىنا 2024 جىلدىڭ جەلتوقسانىندا باشار اساد بيلٸگٸ قۇلاعاننان كەيٸن جاسالعان العاشقى شابۋىل. يزرايل اساد بيلٸگٸ قۇلاعاننان بەرٸ سيريياداعى ەسكەري نىساندارعا بٸرنەشە رەت سوققى جاساعان.
يزرايل بۇعان دەيٸن سيريياداعى ەسكەري ينفراقۇرىلىمعا جاسالعان سوققىلارىن ٶز قاۋٸپسٸزدٸگٸن قامتاماسىز ەتۋ جەنە قارۋ-جاراق پەن ەسكەري تەحنيكانىڭ جاڭا بيلٸكتٸڭ قولىنا ٶتۋٸنە جول بەرمەۋ قاجەتتٸگٸمەن تٷسٸندٸرگەن.
