قازاقستاندىق بلوگەر قايسار قامزا ٶزٸنە قاتىستى جاعدايعا قىسقاشا پٸكٸر بٸلدٸردٸ, دەپ حابارلايدى Dalanews.kz.
ول ەلەۋمەتتٸك جەلٸدەگٸ پاراقشاسىندا داستارحان باسىندا تٷسكەن سۋرەتٸن جارييالاپ, "بەرٸ جاقسى" دەگەن جازبا قالدىرعان.
ايتا كەتەيٸك, كٷنٸ كەشە قايسار قامزاعا رەسمي تٷردە ٸزدەۋ جارييالانعانى تۋرالى اقپارات تارادى.
اشىق اقپارات كٶزدەرٸنە سەيكەس, بلوگەرگە قاتىستى سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر. وسىعان بايلانىستى ونىڭ ناقتى قاي جەردە جٷرگەنٸ انىقتالماعاندىقتان, ۋەكٸلەتتٸ ورگاندار ٸزدەۋ شارالارىن باستاعان.
ٸزدەۋ ٸسٸ استانا قالاسىندا تٸركەلگەن, ال تەرگەۋدٸ قازاقستان رەسپۋبليكاسى قارجى مونيتورينگٸ اگەنتتٸگٸنٸڭ ەكونوميكالىق تەرگەۋ ورگاندارى جٷرگٸزٸپ وتىر.
قايسار قامزا ەلەۋمەتتٸك جەلٸلەر ارقىلى كەڭٸنەن تانىلعان. ول بۇعان دەيٸن جارنامالىق جوبالار مەن ونلاين بەلسەندٸلٸگٸ ارقىلى كٶپشٸلٸككە بەلگٸلٸ بولعان. قۇزىرلى ورگاندار ەزٸرگە ٸستٸڭ ناقتى مەن-جايىن, سونداي-اق قانداي باپ بويىنشا تەرگەۋ جٷرٸپ جاتقانىن جارييا ەتكەن جوق.
ەسكە سالايىق, بلوگەردٸڭ Instagram جەلٸسٸندە 2,4 ميلليون جازىلۋشىسى بار. 2025 جىلى تۋريزم جەنە سپورت مينيسترلٸگٸ قايسار قامزانى زاڭسىز ونلاين ۇتىس ويىندارىن ٶتكٸزگەن تۇلعالار تٸزٸمٸنە ەنگٸزگەن. سول كەزدە وعان 1 179 600 تەڭگە كٶلەمٸندە ايىپپۇل سالىنعان. الايدا بۇل جايتتىڭ قازٸرگٸ ٸزدەۋ ٸسٸمەن بايلانىسى بار-جوعى ەزٸرگە بەلگٸسٸز.
قازٸرگٸ ۋاقىتتا تەرگەۋ امالدارى جالعاسۋدا. قوسىمشا اقپارات رەسمي دەرەككٶزدەردەن ناقتىلانعان سوڭ حابارلاناتىن بولادى.
