ەكس-مينيستر قۋاندىق بيشىمبايەۆتىڭ ادۆوكاتتارى سوتتان قىلمىستىق ءىستى ابايسىزدا كىسى ءولتىرۋ بابىمەن قايتا سارالاۋدى سۇرادى، دەپ حابارلايدى Dalanews.kz.
قورعاۋشى تاراپتىڭ پايىمىنشا، تەرگەۋ شارالارى وقيعالاردىڭ حرونولوگياسىن بۇزۋعا ىقپال ەتكەن. ناقتىلاي ايتقاندا،جۇيەلى تۇردە ۇرىپ-سوعۋ فاكتىلەرى دالەلدەنبەگەن.سونىمەن قاتار ولار قۋاندىق بيشىمبايەۆ پەن سالتانات نۇكەنوۆانىڭ ۇرىستارى تۋرالى حابارلاماعانى ءۇشىن جابىرلەنۋشىنىڭ دوستارىن قىلمىستىق جاۋاپكەرشىلىككە تارتۋ كەرەك دەپ ەسەپتەيدى.
"ءبىز سوتقا دەيىنگى تەرگەپ-تەكسەرۋدى قايتا باستاۋدى جانە "قاتىگەزدىكپەن ءولتىرۋ" بابىن "ابايسىزدا كىسى ءولتىرۋ" بابىمەن قايتا سارالاۋدى سۇرايمىز. ول باپ بويىنشا ايىپتالۋشى ءۇش جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى"، - دەيدى قورعاۋشى تاراپ.
ايتا كەتەيىك، استانا قالاسىنىڭ قىلمىستىق ىستەر جونىندەگى اۋدانارالىق سوتىندا ەكس-مينيستر قۋاندىق بيشىمبايەۆتىڭ ءىسى بويىنشا الدىن الا تىڭداۋ بولىپ جاتىر.
