16 قاڭتارعا قاراعان ءتۇنى ماڭعىستاۋ وبلىسىنداعى اقتاۋ-بەينەۋ تاسجولىندا جول اپاتى تىركەلدى، دەپ حابارلايدى Dalanews.kz.
الدىن الا مالىمەتكە سايكەس Yutong ماركالى اۆتوبۋستىڭ جۇرگىزۋشىسى كولىك تىزگىنىنە يە بولا الماي، سالدارىنان اۆتوبۋس جول جيەگىنە اۋدارىلعان. كولىك سالونىندا جولاۋشىلار بولعان.
"جول-كولىك وقيعاسى سالدارىنان 4 ادام وقيعا ورنىندا قازا تاپتى. 42 جولاۋشى ءتۇرلى دەنە جاراقاتىن الىپ، ولاردىڭ 17ء-سى اۋرۋحاناعا جاتقىزىلدى، قالعاندارى امبۋلاتوريالىق ەم الۋعا جىبەرىلدى"، - دەدى ءوڭىر پوليسياسى.
بۇل وقيعا بويىنشا قىلمىستىق ءىس قوزعالدى. اۆتوبۋس جۇرگىزۋشىسى ۋاقىتشا ۇستاۋ يزولياتورىنا قامالدى.
پوليسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا شاقىردى.
ەسكە سالايىق، بۇعان دەيىن ماڭعىستاۋدا اۆتوبۋس اۋدارىلىپ، ءتورت ادام قازا تاپقانى حابارلاندى.
