بۇدان بولەك، جىلىجايدى كەڭەيتۋ جانە قۇرىلىسىن سالۋ دا «ىرىس» ميكروقارجى ۇيىمىنىڭ جوسپارلى قارجىلاندىرىلۋىنا ەنىپ، بۇل سالاداعى 38 جوباعا 134،7 ملن. تەڭگە نەسيە بەرىلگەن.
سونداي-اق ۇيىم تاراپىنان قۇس شارۋاشىلىعى بويىنشا جالپى سوماسى 32، 3ملن. تەڭگەلىك 5 جوبا قولداۋ تاپقان. ال، اۋىلشارۋاشىلىق ونىمدەرىن قايتا وڭدەۋدى ۇيىمداستىرۋعا 5 ملن. تەڭگە نەسيە بولىنسە، نان – توقاش ونىمدەرىن شىعارۋ ءۇشىن 2 جوبا ماقۇلدانىپ، كاسىپكەرلەرگە 16 ملن. تەڭگە، وندىرىستىك قىزمەت ءۇشىن 12 ملن. تەڭگە قاراجات بەرىلىپتى. سونىمەن قاتار ساۋدا جانە قىزمەت كورسەتۋ سالاسى ءۇشىن 6،0 ملن. تەڭگە قارجى بولىنگەن. بالاباقشا اشۋ ءۇشىن 4 جوبا ماقۇلدانىپ، جوبا يەسى 24 ملن. تەڭگەلىك نەسيەگە قول جەتكىزگەن.
