يزرايل بارلاۋ قىزمەتٸنٸڭ مەلٸمەتٸنشە, يران باسشىلىعى اقش پرەزيدەنتٸ دونالد ترامپقا قاستاندىق جاساۋدى جوسپارلاپ وتىر. تيٸستٸ بارلاۋ اقپاراتى ۆاشينگتونعا جولدانعان. بۇل تۋرالى The Wall Street Journal (WSJ) باسىلىمى حابارلادى, دەپ جازادى dalanews.kz.
WSJ مەلٸمەتٸنشە, يران بيلٸگٸ بۇعان دەيٸن ەزٸرلەنگەن جوسپارلاردى قايتا قاراپ, جاڭارتقان. 2020 جىلدىڭ قاڭتارىندا ترامپتىڭ بۇيرىعىمەن يراننىڭ "ەل-قۇدس" كٷشتەرٸنٸڭ قولباسشىسى گەنەرال قاسەم سٷلەيمانيدٸڭ كٶزٸن جويۋ وپەراتسيياسىنان كەيٸن تەگەران اقش-تان كەك الۋعا ۋەدە بەرگەن بولاتىن. باعداد ەۋەجايى ماڭىندا MQ-9 Reaper ۇشقىشسىز اپپاراتى ارقىلى جاسالعان شابۋىلدان كەيٸن يران اقش-تىڭ ٶڭٸردەگٸ ەسكەري بازالارىنا سوققى بەرٸپ, ترامپتان كەك الۋ جوسپارىن قاراستىرا باستاعان.
باسىلىمنىڭ جازۋىنشا, يزرايل بارلاۋ قىزمەتٸ انىقتاعان قاستاندىق جوسپارى جاقىندا قايتا پىسىقتالعان. ال CNN تەلەارناسى شابۋىلدىڭ تٸپتٸ "ناقتى" جوسپارى بار ەكەنٸن حابارلادى. اقپاراتقا سەيكەس, يران بيلٸگٸنٸڭ مۇنداي قادامعا بارۋىنا 2026 جىلعى 28 اقپاندا يراننىڭ جوعارعى كٶشباسشىسى اياتوللا ەلي حامەنەيدٸڭ ٶلتٸرٸلۋٸ تٷرتكٸ بولعان.
ناتو سامميتٸنەن كەيٸن تٷركييادان Air Force One ۇشاعىمەن قايتىپ كەلە جاتقان دونالد ترامپ جۋرناليستەرگە يراننىڭ نىساناسىنا اينالعانىن مەلٸمدەدٸ.
"ولار اقش پرەزيدەنتٸن – مەنٸ – جويعىسى كەلەدٸ. بٷگٸن تاڭەرتەڭ ولاردىڭ بارلىق "جويۋ تٸزٸمٸندە" تۇرعانىمدى كٶردٸم. وسى ۋاقىتقا دەيٸن جولىم بولىپ كەلدٸ, بٸراق بۇل ۇزاققا سوزىلماۋى مٷمكٸن", – دەدٸ ترامپ.
ايتا كەتەيٸك, بۇل اقپارات ەزٸرگە رەسمي تٷردە اقش نەمەسە يران بيلٸگٸ تاراپىنان تولىق راستالعان جوق. مەلٸمەتتەر شەتەلدٸك باق پەن بارلاۋ دەرەكتەرٸنە سٷيەنٸپ جارييالانعان.
