جەتىسۋ وبلىسىنىڭ سوتى الەۋمەتتىك جەلىدە جالعان مالىمەت جاريالادى دەپ ايىپتالعان “Krisp.tdk” پاراقشاسىنىڭ اۆتورىنا قاتىستى اكىمشىلىك ءىستى قارادى، دەپ حابارلايدى Dalanews.kz.
ءىس ماتەريالدارىنا سايكەس، بلوگەر 2025 جىلعى 31 مامىردا ازامات ك.ا.-نىڭ ار-نامىسى مەن زاڭدى مۇددەلەرىن بۇزاتىن، رەسمي تۇردە راستالماعان اقپاراتتى Instagram پاراقشاسىندا جاريالاعان.
سوت مالىمەتىنشە، بۇل جازبا ازاماتتىڭ قۇقىعىنا نۇقسان كەلتىرگەن. الايدا بلوگەر ءوز كىناسىن مويىنداماعان. سوعان قاراماستان، الەۋمەتتىك جەلىدەن الىنعان سكرينشوتتار مەن باسقا دا ماتەريالدار ايعاق رەتىندە قابىلدانىپ، ونىڭ كىناسىن دالەلدەيتىن نەگىز بولدى.
ناتيجەسىندە، سوت بلوگەردى ق ر اكىمشىلىك قۇقىق بۇزۋشىلىق تۋرالى كودەكسىنىڭ 456-2-بابى 5-بولىگى بويىنشا جاۋاپتى دەپ تانىپ، وعان 117 960 تەڭگە كولەمىندە ايىپپۇل سالدى.
ايتا كەتەيىك، بۇل شەشىم ءالى زاڭدى كۇشىنە ەنگەن جوق.
ەسكە سالايىق، بۇعان دەيىن جامبىلدا اگرەسسيۆتى جارناما تۇسىرگەن بلوگەر جاۋاپقا تارتىلعانى تۋرالى جازعان ەدىك.
سۋپەرماركەتتەردىڭ ءبىرىنىڭ جارناماسىن ءتۇسىرۋ كەزىندە قوعامدىق ءتارتىپتى ورەسكەل بۇزعان بلوگەر پوليسيا قىزمەتكەرلەرىمەن جاۋاپكەرشىلىككە تارتىلدى.
بولاشاق كورەرمەندەردىڭ نازارىن اۋدارتۋعا تىرىسقان ول قويىلىم رەتىندە اۆتوكولىكتىڭ الدىڭعى اينەگىن سىندىرعان جانە جولاۋشىمەن دورەگى داۋىسپەن سويلەسىپ، ءوتىپ بارا جاتقان ادامداردى شوشىتقان.
پوليسيا قۇقىق بۇزۋشىنى انىقتاپ، ونى ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتتى.
ناتيجەسىندە سۋپەرماركەت جارناماسىن اگرەسسيۆتى تۇردە ءتۇسىرۋ بلوگەر ءۇشىن 10 تاۋلىككە اكىمشىلىك قاماۋعا الىنۋمەن اياقتالدى.
پوليسيا قىزمەتكەرلەرى ازاماتتاردى كوشەدە جانە قوعامدىق ورىنداردا زاڭدى بۇزباي،وزگەلەردىڭ ومىرىنە ءقاۋىپ توندىرمەۋگە، جولدا ءتارتىپتى قاتاڭ ساقتاۋعا شاقىرادى.
