پوليتسييا ازاماتتاردى كٶشەدەگٸ كٷمەندٸ QR كودتاردى سكانەرلەۋدەن اۋلاق بولۋعا شاقىردى. مامانداردىڭ ايتۋىنشا, الاياقتار بۇل تەحنولوگييانى ادامداردىڭ جەكە مەلٸمەتٸن ۇرلاۋ ٷشٸن جيٸ پايدالانىپ جٷر, دەپ حابارلايدى dalanews.kz.
ٸٸم مەلٸمەتٸنشە, قاسكٶيلەر ايالدامالاردا, كٸربەرٸستە, جارناما تاقتالارى مەن باسقا دا قوعامدىق ورىندارداعى تٷپنۇسقا QR كودتاردىڭ ورنىنا جالعان كود جاپسىرادى. ولاردى سكانەرلەگەن ادام الاياقتاردىڭ سايتىنا ٶتٸپ, ٶزٸ بايقاماي جەكە دەرەگٸن نەمەسە بانك كارتاسىنىڭ مەلٸمەتٸن ەنگٸزٸپ قويۋى مٷمكٸن. كەي جاعدايدا تٶلەم جاساعان اقشا دا قىلمىسكەرلەردٸڭ ەسەپشوتىنا تٷسەدٸ.
پوليتسييا كٷمەندٸ QR كودتاردى بٸرنەشە بەلگٸ ارقىلى اجىراتۋعا بولاتىنىن ايتتى. مەسەلەن, كود باسقا جارنامانىڭ ٷستٸنە جاپسىرىلۋى, ۇيىمنىڭ اتاۋى مەن بايلانىس دەرەگٸ كٶرسەتٸلمەۋٸ نەمەسە "سىيلىق الىڭىز", "تەك بٷگٸن", "جەدەل سكانەرلەڭٸز" دەگەن سيياقتى اسىقتىراتىن مەتٸندەر بولۋى كٷدٸك تۋدىرۋعا تيٸس.
وسىعان بايلانىستى ازاماتتارعا بەلگٸسٸز QR كودتاردى سكانەرلەمەۋ, اشىلعان سٸلتەمەنٸڭ مەكەنجايىن مۇقييات تەكسەرۋ, كٷمەندٸ سايتتارعا جەكە جەنە بانك دەرەگٸن ەنگٸزبەۋ, سونداي-اق, بەلگٸسٸز قوسىمشالاردى ورناتپاۋعا كەڭەس بەرٸلدٸ.
پوليتسييا تۇرعىنداردى قىراعىلىق تانىتىپ, ينتەرنەت الاياقتاردىڭ ارباۋىنا تٷسپەۋگە شاقىردى.
