قازاقستاندىق جاستار الەمدەگى ستۋدەنتتەرمەن بىرگە اكت سالاسىنداعى بىلىمدەرىن ارتتىرۋعا جانە يننوۆاسيالىق تەحنولوگيالار بويىنشا حالىقارالىق سەرتيفيكات الۋعا مۇمكىندىك بەرەتىن Huawei كومپانياسىنىڭ «Seeds for the Future – 2022» وقىتۋ باعدارلاماسى بويىنشا ءبىلىمىن شىڭداۋ مۇمكىندىگىنە يە بولدى.
ەلىمىزدەگى جوعارى وقۋ ورىندارىنىڭ ستۋدەنتتەرى 4G جانە 5G تەحنولوگيالارى، زاتتار ينتەرنەتى، بۇلتتىق شەشىمدەر، جاساندى ينتەللەكت جانە كيبەرقاۋىپسىزدىك سياقتى وزىق تەحنولوگيالار مەن شەشىمدەردى زەردەلەۋ بويىنشا حالىقارالىق باعدارلاماعا قاتىسادى.
Huawei كومپانياسىنىڭ «Seeds for the Future – 2022» باعدارلاماسىنا قاتىسۋشىلاردىڭ قاتارىنا تەحنيكالىق ماماندىقتار بويىنشا وقيتىن ستۋدەنتتەر جانە اقپاراتتىق-كوممۋنيكاسيالىق تەحنولوگيالار سالاسىنا قىزىعۋشىلىق تانىتاتىن ەلىمىزدىڭ جەتەكشى ۋنيۆەرسيتەتتەرىنىڭ ۇزدىك وكىلدەرى كىرىپ وتىر.
ۇستىمىزدەگى جىلى بىرنەشە قازاقستاندىق جوعارى وقۋ ورىندارىنىڭ، اتاپ ايتقاندا اەجبۋ، كيمەپ، ققەۋ، قازۇۋ، حاتۋ، نازاربايەۆ ۋنيۆەرسيتەتى، قبتۋ، استانا IT ۋنيۆەرسيتەتى جانە ساتبايەۆ ۋنيۆەرسيتەتىنىڭ 30 ستۋدەنتى ىرىكتەۋ تۋرىنىڭ فيناليستەرى اتانعان بولاتىن.
«Seeds for the Future – 2022» قازاقستاندىق باعدارلاماسىنىڭ اشىلۋ سالتاناتىندا ق ر عىلىم جانە جوعارى ءبىلىم ۆيسە-مينيسترى كاميل اقاتوۆ، Huawei Technologies Kazakhstan باس ديرەكتورى اپپاراتىنىڭ باسشىسى فاريدا تولەۋبايەۆا جانە احقو ءتورتىنشى ونەركاسىپتىك ريەۆوليۋسيا ۇلەستەس ورتالىعىنىڭ باسشىسى پاۆەل كوكتىشيەۆ ءسوز سويلەدى.
– ءقازىر ەكونوميكانىڭ بىردە-بىر سالاسى ءوزىنىڭ ءداستۇرلى سيپاتىندا ەمەس، بۇل رەتتە سيفرلاندىرۋ ۇلكەن ءرول اتقارادى. اكت ماماندىقتارىندا وقيتىن ستۋدەنتتەردىڭ جوو باعدارلاماسىمەن قاتار كوپ كولەمدە قوسىمشا قۇزىرەتتىلىكتەر الۋى وتە ماڭىزدى. ەلىمىزدە بۇگىنگى تاڭدا مۇمكىندىكتەر وتە كوپ – ءبىزدىڭ نارىققا قىزىعۋشىلىق تانىتاتىن جانە ءوز قۇزىرەتتەرىمەن بولىسۋگە دايىن ءارتۇرلى كومپانيالار بار. ءبىزدىڭ قازاقستاندىق ستۋدەنتتەرگە حالىقارالىق تاجىريبەمەن تانىسىپ، پراكتيكالىق كەيستەردى زەردەلەپ، ساراپشىلارمەن اڭگىمەلەسۋ ماڭىزدى. «Seeds for the Future» باعدارلاماسى سيفرلاندىرۋ سالاسىندا بەلگىلى ءبىر مىندەتتەر قويا وتىرىپ، ەلىمىزدە IT سالاسىندا كوپتەگەن ماماندار دايارلايتىن باعىتتاردىڭ ءبىرىن ىسكە اسىرۋعا كومەكتەسەدى، – دەپ اتاپ ءوتتى ق ر عىلىم جانە جوعارى ءبىلىم ۆيسە-مينيسترى كاميل اقاتوۆ.
7 كۇن ىشىندە جاس ماماندار 5G، Big Data، AI، IP، Cloud-تەحنولوگيالار، «اقىلدى» ۇيلەر مەن قالالار، كيبەرقاۋىپسىزدىك سياقتى اكت نەگىزگى باعىتتارى بويىنشا ونلاين-كۋرستاردان وتەدى.
ساباقتاردى Huawei كومپانياسىنىڭ جەتەكشى ساراپشىلارى جۇرگىزىپ، كومپانيانىڭ جىلدار بويى دامىتىپ كەلە جاتقان سيفرلىق تەحنولوگيالار سالاسىنداعى قازاقستاندىق مامانداردى دايارلاۋ ەكوجۇيەسىن قۇرۋ ستراتەگياسىنا سايكەس ستۋدەنتتەرمەن اكت سالاسىنداعى ءوز بىلىمدەرى مەن تاجىريبەلەرىمەن بولىسەدى.
باعدارلاما بارىسىندا قاتىسۋشىلار Tech4Good كوماندالىق جوباسىندا جۇمىس ىستەيتىن بولادى. وندا ولار ادام ءومىرىنىڭ ماڭىزدى سالالارىنداعى يننوۆاسيالىق تەحنولوگيالاردىڭ ءرولى مەن قۇندىلىعىن كورسەتە الادى.
– «Seeds for the Future 2022» باعدارلاماسى اكت ينفراقۇرىلىمىنىڭ بۇكىل ەكوجۇيەسىنە ىقپال ەتەدى. ءبىز جاس ۇرپاقتىڭ وسى سەكتوردى دامىتۋداعى زاماناۋي يننوۆاسيالىق ترەندتەر مەن يننوۆاسيالاردى ءتۇسىنىپ، ءبىلۋىن جانە بولاشاقتا بۇل ءبىلىمدى قازاقستاندا قولدانعانىن قالايمىز، – دەيدى Huawei Technologies Kazakhstan باس ديرەكتورى اپپاراتىنىڭ باسشىسى فاريدا تولەۋبايەۆا.
– كۋرسقا بۇكىل الەم بويىنشا ۇزدىك دارىسكەرلەر جينالعاندىقتان، وقۋ بارىسىندا ستۋدەنتتەر جاھاندىق ءبىلىم الادى. بۇل – باعدارلاما Huawei كومپانياسىنىڭ نەگىزگى جوبالارىنىڭ ءبىرى بولىپ تابىلادى جانە قازاقستاندا ءبىز ءوز ستۋدەنتتەرىمىزگە قولداۋ كورسەتىپ، ەلىمىزدە الەمدىك دەڭگەيدەگى ءبىلىم الۋعا بولاتىندىعىن كورسەتكىمىز كەلەدى. وسى ماقساتتا ءبىز ق ر ۋنيۆەرسيتەتتەرىندە اكت-اكادەميالارىن اشامىز، وندا ستۋدەنتتەر ترەنينگتەردەن وتۋگە جانە بۇكىل الەمدە تانىلعان حالىقارالىق سەرتيفيكات الۋعا مۇمكىندىك الادى، – دەدى فاريدا تولەۋبايەۆا.
قازاقستاندا ىرىكتەۋ تۋرى 11-21 قازان ارالىعىندا ءوتتى. وسى ۋاقىت ىشىندە ستۋدەنتتەردەن 199 ءوتىنىم قابىلدانىپ، ولاردىڭ اراسىنان 30-ى جوباعا قاتىسۋشى اتاندى.
GPA-نىڭ ەڭ جاقسى كورسەتكىشتەرى، موتيۆاسيالىق حات جانە اكت يندۋسترياسىنا ۇلكەن قىزىعۋشىلىق جوباعا ىرىكتەۋدىڭ نەگىزگى كريتەرييلەرى بولدى. باعدارلامانى اياقتاعاننان كەيىن بارلىق كۋرستاردى ءساتتى وقىپ، جوبا قىزمەتىنە بەلسەندى قاتىسقان قاتىسۋشىلار سەرتيفيكاتتار مەن ەستەلىك سىيلىقتارعا، سونداي-اق Huawei كومپانياسىندا تاعىلىمدامادان ءوتۋ مۇمكىندىگىنە يە بولادى.
