Qazaqstandyq jastar álemdegi stýdenttermen birge AKT salasyndaǵy bilimderin arttyrýǵa jáne ınovasıalyq tehnologıalar boıynsha halyqaralyq sertıfıkat alýǵa múmkindik beretin Huawei kompanıasynyń «Seeds for the Future – 2022» oqytý baǵdarlamasy boıynsha bilimin shyńdaý múmkindigine ıe boldy.
Elimizdegi joǵary oqý oryndarynyń stýdentteri 4G jáne 5G tehnologıalary, zattar ınterneti, bulttyq sheshimder, jasandy ıntellekt jáne kıberqaýipsizdik sıaqty ozyq tehnologıalar men sheshimderdi zerdeleý boıynsha halyqaralyq baǵdarlamaǵa qatysady.
Huawei kompanıasynyń «Seeds for the Future – 2022» baǵdarlamasyna qatysýshylardyń qataryna tehnıkalyq mamandyqtar boıynsha oqıtyn stýdentter jáne aqparattyq-kommýnıkasıalyq tehnologıalar salasyna qyzyǵýshylyq tanytatyn elimizdiń jetekshi ýnıversıtetteriniń úzdik ókilderi kirip otyr.
Ústimizdegi jyly birneshe qazaqstandyq joǵary oqý oryndarynyń, atap aıtqanda AEjBÝ, KIMEP, QQEÝ, QazUÝ, HATÝ, Nazarbaev Ýnıversıteti, QBTÝ, Astana IT ýnıversıteti jáne Sátbaev ýnıversıtetiniń 30 stýdenti irikteý týrynyń fınalısteri atanǵan bolatyn.
«Seeds for the Future – 2022» qazaqstandyq baǵdarlamasynyń ashylý saltanatynda QR Ǵylym jáne joǵary bilim vıse-mınıstri Kamıl Aqatov, Huawei Technologies Kazakhstan Bas dırektory apparatynyń basshysy Farıda Tóleýbaeva jáne AHQO Tórtinshi Ónerkásiptik Revolúsıa Úlestes Ortalyǵynyń basshysy Pavel Koktyshev sóz sóıledi.
– Qazir ekonomıkanyń birde-bir salasy óziniń dástúrli sıpatynda emes, bul rette sıfrlandyrý úlken ról atqarady. AKT mamandyqtarynda oqıtyn stýdentterdiń JOO baǵdarlamasymen qatar kóp kólemde qosymsha quzyrettilikter alýy óte mańyzdy. Elimizde búgingi tańda múmkindikter óte kóp – bizdiń naryqqa qyzyǵýshylyq tanytatyn jáne óz quzyretterimen bólisýge daıyn ártúrli kompanıalar bar. Bizdiń qazaqstandyq stýdentterge halyqaralyq tájirıbemen tanysyp, praktıkalyq keısterdi zerdelep, sarapshylarmen áńgimelesý mańyzdy. «Seeds for the Future» baǵdarlamasy sıfrlandyrý salasynda belgili bir mindetter qoıa otyryp, elimizde IT salasynda kóptegen mamandar daıarlaıtyn baǵyttardyń birin iske asyrýǵa kómektesedi, – dep atap ótti QR Ǵylym jáne joǵary bilim vıse-mınıstri Kamıl Aqatov.
7 kún ishinde jas mamandar 5G, Big Data, AI, IP, Cloud-tehnologıalar, «aqyldy» úıler men qalalar, kıberqaýipsizdik sıaqty AKT negizgi baǵyttary boıynsha onlaın-kýrstardan ótedi.
Sabaqtardy Huawei kompanıasynyń jetekshi sarapshylary júrgizip, kompanıanyń jyldar boıy damytyp kele jatqan sıfrlyq tehnologıalar salasyndaǵy qazaqstandyq mamandardy daıarlaý ekojúıesin qurý strategıasyna sáıkes stýdenttermen AKT salasyndaǵy óz bilimderi men tájirıbelerimen bólisedi.
Baǵdarlama barysynda qatysýshylar Tech4Good komandalyq jobasynda jumys isteıtin bolady. Onda olar adam ómiriniń mańyzdy salalaryndaǵy ınovasıalyq tehnologıalardyń róli men qundylyǵyn kórsete alady.
– «Seeds for the Future 2022» baǵdarlamasy AKT ınfraqurylymynyń búkil ekojúıesine yqpal etedi. Biz jas urpaqtyń osy sektordy damytýdaǵy zamanaýı ınovasıalyq trendter men ınovasıalardy túsinip, bilýin jáne bolashaqta bul bilimdi Qazaqstanda qoldanǵanyn qalaımyz, – deıdi Huawei Technologies Kazakhstan Bas dırektory apparatynyń basshysy Farıda Tóleýbaeva.
– Kýrsqa búkil álem boıynsha úzdik dáriskerler jınalǵandyqtan, oqý barysynda stýdentter jahandyq bilim alady. Bul – baǵdarlama Huawei kompanıasynyń negizgi jobalarynyń biri bolyp tabylady jáne Qazaqstanda biz óz stýdentterimizge qoldaý kórsetip, elimizde álemdik deńgeıdegi bilim alýǵa bolatyndyǵyn kórsetkimiz keledi. Osy maqsatta biz QR ýnıversıtetterinde AKT-akademıalaryn ashamyz, onda stýdentter trenıńterden ótýge jáne búkil álemde tanylǵan halyqaralyq sertıfıkat alýǵa múmkindik alady, – dedi Farıda Tóleýbaeva.
Qazaqstanda irikteý týry 11-21 qazan aralyǵynda ótti. Osy ýaqyt ishinde stýdentterden 199 ótinim qabyldanyp, olardyń arasynan 30-y jobaǵa qatysýshy atandy.
GPA-nyń eń jaqsy kórsetkishteri, motıvasıalyq hat jáne AKT ındýstrıasyna úlken qyzyǵýshylyq jobaǵa irikteýdiń negizgi krıterııleri boldy. Baǵdarlamany aıaqtaǵannan keıin barlyq kýrstardy sátti oqyp, joba qyzmetine belsendi qatysqan qatysýshylar sertıfıkattar men estelik syılyqtarǵa, sondaı-aq Huawei kompanıasynda taǵylymdamadan ótý múmkindigine ıe bolady.
