Halyk Finance ساراپشىلارى قازىرگى ينفلياسياعا بايلانىستى جاعدايلاردى ەكشەي وتىرىپ، وسى اپتادا شەشىم قابىلداۋى ءتيىس ۇلتتىق بانك بازالىق مولشەرلەمە كولەمىن قازىرگى قالپىندا، وزگەرىسسىز قالدىرادى دەپ سانايدى. ولار رەتتەۋشى ورگان بيىل ونسىز دا مونەتارلىق ساياساتتى اسىرا كۇشەيتكەنىن ايتادى، دەپ حابارلايدى Dalanews.kz.
"ۇلتتىق بانك بيىل ناۋرىزدا بازالىق مولشەرلەمەنى 15،25%-دان 16،5%-عا دەيىن ءوسىردى، ال ساۋىردە ول وزگەرىسسىز قالدى. قازىرگى ينفلياسيا جاعدايىن ەسكەرسەك،ءبىزدىڭ ويىمىزشا، ۇلتتىق بانك بازالىق مولشەرلەمە دەڭگەيىنبۇل جولى دا وزگەرىسسى، قازىرگى كۇيىندە ساقتاپ قالۋى ىقتيمال. ءبىزدىڭ ويىمىزشا، قازىرگى جاعدايدا جوعارى بازالىق مولشەرلەمەنى ساقتاۋ اناعۇرلىم قولايلى كورىنەدى، ويتكەنى ەل ەكونوميكاسىنا باعىتتالماق 8 ترلن تەڭگە كولەمىندەگى جەڭىلدەتىلگەن قارجىلاندىرۋ تۇرىندەگى ۇكىمەتتىك باعدارلاما ىسكە اسىرىلعان جاعدايدا ينفلياسيانىڭ كۇشەيۋى زاڭدى"، - دەيدى Halyk Finance تالداۋ ورتالىعىنىڭ ساراپشىسى ارسىلان ارونوۆ.
ونىڭ ايتۋىنشا، مامىر ايىندا جىلدىق ينفلياسيا دەڭگەيى 11،3%-عا دەيىن ءوستى، ال ءساۋىر ايىندا بۇل كورسەتكىش 10،7%، ناۋرىزدا 10،0% بولدى.
تۇتىنۋ سەبەتى تۇرعىسىنان ينفلياسيانى جەدەلدەۋىنە قىزمەتتەر (16،0%)، ازىق-تۇلىك تاۋارلارى (9،6%) جانە ازىق-تۇلىككە جاتپايتىن تاۋارلار (9،0%) باعاسىنىڭ جىلدىق ءوسىمى ىقپال ەتتى. ءبىراق ءبىر اي بارىسىندا ينفلياسيا باياۋلاپ كەلە جاتقانىن جانە مامىر ايىندا ول 0،9%-دى (ساۋىردە - 1،2%، ناۋرىزدا - 1،3% جانە اقپاندا - 1،5%) قۇراعانىن اتاي كەتكەن ءجون.
اقپان-ناۋرىز ايلارىندا ايلىق ينفلياسيانىڭ جەدەلدەۋىنە ىقپال ەتۋشى نەگىزگى فاكتورلار: قاراشا-قاڭتار ايلارىندا تەڭگەنىڭ ايتارلىقتاي السىرەۋى جانە حالىققا اقىلى قىزمەتتەرگە، اتاپ ايتقاندا، مەملەكەت رەتتەيتىن جانە بازالىق مولشەرلەمەنىڭ وزگەرۋىنە قاتىستى سەرپىمدى ەمەس تكش قىزمەتتەرى تاريفتەرىنىڭ ۇزدىكسىز ءوسىمى ورىن الدى.
"الايدا،تەڭگەنىڭ السىرەۋ فاكتورلارى جانە تكش تاريفتەرىنىڭ ءبىر رەتتىك ءوسىمىنىڭ ينفلياسياعا اسەرى الدا تومەندەيدى، ال ايلىق ينفلياسيا جىل سوڭىنا قاراي اناعۇرلىم باسەڭدەي ءتۇسۋى ءتيىس"، - دەيدى ساراپشى.
جالپى، قالىپتاسقان ۇردىستەر باعا ديناميكاسىنىڭ تۇراقتانۋىن كورسەتەدى: بازالىق جانە ماۋسىمدىق تازارتىلعان ينفلياسيانىڭ قالىپقا كەلۋ بەلگىلەرى بايقالادى. ينفلياسيالىق كۇتۋلەردى تالداۋ ارالاس كورىنىستى كورسەتەدى: ەگەر حالىقتىڭ الداعى بەس جىلدىقتى قامتيتىن ۇزاق مەرزىمدى كۇتۋلەرى 14،3% - عا (ناۋرىزدا 13،5%) دەيىن وسسە، ال قىسقا مەرزىمدى كۇتۋلەر ناۋرىز ايىندا 12،6% -دان 12،2% - عا دەيىن تومەندەگەن ەكەن.
"وسى جاعىنان العاندا، اعىمداعى ماكروەكونوميكالىق دەرەكتەر مەن قازاقستانداعى ينفلياسيانىڭ بولجامدى ديناميكاسى نەگىزىندە ۇلتتىق بانك، ءبىزدىڭ ويىمىزشا، بازالىق مولشەرلەمە دەڭگەيىن الداعى وتىرىستا وزگەرىسسىز قالدىرادى. سونىمەن قاتار، ءبىز مىنانداي ءبىر ماڭىزدى اسپەكتىگە نازار اۋدارتقىمىز كەلەدى: قازاقستاننىڭ اعىمداعى ەكونوميكالىق ساياساتىندا ەكى نەگىزگى باعىتتىڭ اراسىندا ايقىن قايشىلىق بايقالادى. ءبىر جاعىنان، ۇكىمەت ينفلياسيا ءوسىمىن ىنتالاندىرۋشى ەل ەكونوميكاسىنا 8 ترلن تەڭگە كولەمىندە جەڭىلدەتىلگەن قارجىلاندىرۋدى قامتيتىن اۋقىمدى باعدارلامانى ىسكە قوسپاق، ال ەكىنشى جاعىنان، ۇلتتىق بانك ينفلياسيانى تەجەۋ ءۇشىن جوعارى بازالىق مولشەرلەمەنى قولداۋدا. بۇل شارالار ءبىر-بىرىنە قاراما-قايشى، ويتكەنى ولاردى ءبىر ۋاقىتتا قولدانۋ اقشا-نەسيە جانە فيسكالدىق سالىق ساياساتىنىڭ تيىمدىلىگىن تومەندەتەتىن كوپ باعىتتى اسەرلەردى تۋدىرادى. جەڭىلدەتىلگەن نەسيە باعدارلامالارى اقشالاي ۇسىنىس پەن جيىنتىق سۇرانىستى ارتتىرا وتىرىپ، بيزنەس پەن حالىقتى قولداۋعا باعىتتالعان. دەگەنمەن، شەكتەۋلى وندىرىستىك قۋات پەن تۇتىنىسقا جوعارى بەيىمدىلىك جاعدايىندا بۇل ءسوزسىز ينفلياسيالىق قىسىمنىڭ ارتۋىنا اكەلەدى. سونىمەن قاتار، 16،5% مولشەرلەمە نەسيەلەندىرۋدى قىمباتقا تۇسىرەدى، بۇل ەكونوميكانى سالقىنداتىپ، ينفلياسيانى باسەڭدەتۋى كەرەك. ءبىزدىڭ ويىمىزشا، قازىرگى جاعدايدا جوعارى بازالىق مولشەرلەمەنى ساقتاۋ اناعۇرلىم قولايلى"، - دەيدى ارسىلان ارونوۆ.
ايتا كەتسەك،"سەنتراس سەكيۋريتيز" ساراپشىلارى دا مامىر ايىندا بازالىق مولشەرلەمە سول كۇيىندە ساقتالادى دەپ باجايلايدى.
