Halyk Bank 277 ميلليارد تەڭگەدەن استام ديۆيدەند تٶلەۋگە شەشٸم قابىلدادى. ونىڭ شامامەن 193 ميلليارد تەڭگەسٸن تيمۋر قۇلىباەۆ پەن ونىڭ جۇبايى – ەكس-پرەزيدەنت نۇرسۇلتان نازارباەۆتىڭ قىزى دينارا قۇلىباەۆا باسقاراتىن “ALMEX Holding Group” اق الادى, دەپ حابارلايدى Dalanews.kz.
"قازاقستان حالىق بانكٸ" اق 2024 جىلى 25 سەۋٸردە ٶتكەن سىرتتاي داۋىس بەرۋ ارقىلى بانك اكتسيونەرلەرٸنٸڭ جىلدىق جالپى جينالىسىندا بانكتٸڭ 2023 جىلعى قىزمەتٸنٸڭ نەتيجەلەرٸ بويىنشا بانكتٸڭ جاي اكتسييالارىنا (ISIN KZ000A0LE0S4) سەيكەس ديۆيدەندتەر تٶلەۋ تۋرالى شەشٸم قابىلدانعانىن حابارلايدى.
بٸر جاي اكتسيياعا ەسەپتەلگەن ديۆيدەند مٶلشەرٸ: 25,43 تەڭگە; ديۆيدەندتەردٸ تٶلەۋدٸڭ باستالۋ كٷنٸ: 2024 جىل 3 ماۋسىم; ديۆيدەندتەردٸ تٶلەۋ تەرتٸبٸ مەن نىسانى: كٷن باسىنداعى جاعداي بويىنشا ديۆيدەندتەر الۋعا قۇقىعى بار اكتسيونەرلەردٸڭ تٸزٸمٸن جاساۋ كٷنٸ (00.00) 2024 جىلعى 15 مامىر (الماتى ۋاقىتى); ديۆيدەندتەردٸ تٶلەۋ نىسانى قولما-قول اقشاسىز. بانك اكتسيونەرلەرٸنە تٶلەنەتٸن ديۆيدەندتەردٸڭ كٶلەمٸ 277 397 404 056,36 تەڭگەنٸ قۇرايدى”, - دەپ حابارلادى قازاقستان قور بيرجاسى (KASE).
2024 جىلعى 1 سەۋٸردەگٸ جاعداي بويىنشا حالىق بانكٸنٸڭ جاي اكتسييالارىنىڭ 69,52%-ى “المەكس” حولدينگتٸك توبىنا تيەسٸلٸ. وسىلايشا قۇلىباەۆتار كومپانيياسى 192,8 ملرد تەڭگە ديۆيدەند الادى.
