Halyk Bank 277 milliard teńgeden astam dividend tóleýge sheshim qabyldady. Onyń shamamen 193 milliard teńgesin Timýr Qulybaev pen onyń jubaiy – eks-prezident Nursultan Nazarbaevtyń qyzy Dinara Qulybaeva basqaratyn “ALMEX Holding Group” AQ alady, dep habarlaidy Dalanews.kz.
"Qazaqstan Halyq Banki" AQ 2024 jyly 25 sáýirde ótken syrttai daýys berý arqyly bank aktsionerleriniń jyldyq jalpy jinalysynda banktiń 2023 jylǵy qyzmetiniń nátijeleri boiynsha banktiń jai aktsiialaryna (ISIN KZ000A0LE0S4) sáikes dividendter tóleý týraly sheshim qabyldanǵanyn habarlaidy.
Bir jai aktsiiaǵa eseptelgen dividend mólsheri: 25,43 teńge; dividendterdi tóleýdiń bastalý kúni: 2024 jyl 3 maýsym; dividendterdi tóleý tártibi men nysany: kún basyndaǵy jaǵdai boiynsha dividendter alýǵa quqyǵy bar aktsionerlerdiń tizimin jasaý kúni (00.00) 2024 jylǵy 15 mamyr (Almaty ýaqyty); Dividendterdi tóleý nysany qolma-qol aqshasyz. Bank aktsionerlerine tólenetin dividendterdiń kólemi 277 397 404 056,36 teńgeni quraidy”, - dep habarlady Qazaqstan qor birjasy (KASE).
2024 jylǵy 1 sáýirdegi jaǵdai boiynsha Halyq Bankiniń jai aktsiialarynyń 69,52%-y “ALMEKS” holdingtik tobyna tiesili. Osylaisha Qulybaevtar kompaniiasy 192,8 mlrd teńge dividend alady.
