"حالىق" قايىرىمدىلىق قورى Halyk Bank-پەن بىرىگە وتىرىپ، اتىراۋ وبلىسى قۇلسارى قالاسىنداعى سۋ تاسقىنىنان زارداپ شەككەن تۇرعىندارعا اتاۋلى قارجىلاي كومەك كورسەتە باستادى. قوردىڭ نەگىزىن قالاۋشى، بەلگىلى مەسەنات تيمۋر قۇلىبايەۆ 31،4 ملرد تەڭگە اۋداردى.
«سۋ تاسقىنىنان زارداپ شەككەن ءاربىر جاننىڭ قايعىسىنا ورتاقپىن. اپات كەلگەلى، العاشقى كۇننەن باستاپ قارعىن سۋدىڭ استىندا قالعان ايماقتارعا كومەك قولىن سوزدىق. پرەزيدەنتىمىز قاسىم-جومارت كەمەل ۇلى توقايەۆتىڭ باسشىلىعىمەن بارلىق قيىندىقتى ەڭسەرەتىنىمىزگە سەنىمدىمىن»، - دەدى تيمۋر قۇلىبايەۆ.
ايتا كەتەيىك، بۇل كومەك قۇلسارى تۇرعىندارىنىڭ جەكە ۇيلەرىن قالپىنا كەلتىرۋگە باعىتتالىپ وتىر. كەلتىرىلگەن زالالعا تاۋەلسىز ساراپشىلار باعا بەرەدى. ءتىزىمدى اكىمدىكتەردىڭ جەدەل شتابى زارداپ شەككەندەردەن الىنعان وتىنىشتەر نەگىزىندە دايىندايدى.
ەسكە سالا كەتەيىك، وسىعان دەيىن "حالىق" قورى مەن Halyk Bank ءوز قاراجاتىنان اقتوبە، قوستاناي، باتىس قازاقستان، اقمولا، اتىراۋ، قاراعاندى، سولتۇستىك قازاقستان، تۇركىستان، الماتى، پاۆلودار، ۇلىتاۋ جانە اباي وبلىستارىنداعى سۋ تاسقىنىنان زارداپ شەككەندەرگە كومەك كورسەتۋ ءۇشىن قىزمەتكەرلەردىڭ ءبىر كۇندىك جالاقىسىن قوسقاندا 1 ملرد 445 ملن تەڭگە بولگەن بولاتىن. سونىمەن قاتار، "حالىق" قورىنىڭ نەگىزىن قالاۋشى تيمۋر قۇلىبايەۆ اتىراۋ وبلىسىن قالپىنا كەلتىرۋگە قوسىمشا 30 ملرد تەڭگە ءبولۋ تۋرالى شەشىم قابىلدادى. وسىلايشا، سۋ تاسقىنىنان زارداپ شەككەندەرگە 31،4 ملرد تەڭگەدەن اسا اقشا ءبولىندى.
