بىرنەشە ب ا ق حالىق بانك قازكوممەرسبانكتەن «مۇراعا قالعان» 250 ملرد تەڭگە قارىزدى مەملەكەتكە تولىق قايتارعانىن جارىسا جازدى. قوعام قايراتكەرى مۇتار تايجاننىڭ سوزىنشە، مۇندا ءبىر نيۋانس بار، - دەپ حابارلايدى Dalanews.kz.

حالىق بانك 250 ملرد تەڭگە مەملەكەتتىك قولداۋدى مەرزىمىنەن بۇرىن تولىق قايتاردى. وسىلايشا، Halyk ءوز مىندەتتەمەلەرىن تولىق ورىنداپتى. بۇل تۋرالى بانكتىڭ باسپا ءسوز قىزمەتى حابارلادى.

بۇل قارجىنى مەملەكەت 2015 جىلى «قازاقستاندىق ورنىقتىلىق قورى» ارقىلى بتا مەن قازكوممەرسبانكتى ساقتاپ قالۋ ءۇشىن بەرگەن. Halyk 2023 جىلى ماۋسىم مەن جەلتوقسان ايىندا دەپوزيتتىڭ ءبىر بولىگى – 68،4 ملرد تەڭگەنى قايتاردى. ەندى بانك مەملەكەتتىك كومەكتىڭ 181،6 ملرد تەڭگە سوماسىنداعى قالدىعىن وتەدى.

مۇحتار تايجاننىڭ سوزىنشە، مۇندا ءبىر «گاپ» بار.

«بۇل قارجىلاي كومەك 2015 جىلى بەرىلگەن كەزدە دوللار باعامى 1 دوللار – 187 تەڭگە ەدى جانە 250 ميلليارد تەڭگە – 1،3 ميلليارد دوللار بولعان.

ءقازىر دوللار باعامى 450 تەڭگە، سوندىقتان 250 ميلليارد تەڭگە دەگەن – 0،5 ميلليارد دوللار. قاعاز بويىنشا ءبارى ادەمى، ءبىراق شىن مانىندە قازىرگى باعام بويىنشا مەملەكەتتىك بيۋدجەتكە ءالى 800 ميلليون دوللار نەمەسە 360 ميلليارد تەڭگە تۇسپەگەن! سۋ تاسقىنى كەزىندە اقشا ارتىق ەتپەس ەدى!»، - دەيدى مۇحتار تايجان.