Birneshe BAQ Halyq bank Qazkommertsbankten «muraǵa qalǵan» 250 mlrd teńge qaryzdy memleketke tolyq qaitarǵanyn jarysa jazdy. Qoǵam qairatkeri Mutar Taijannyń sózinshe, munda bir niýans bar, - dep habarlaidy Dalanews.kz.
Halyq bank 250 mlrd teńge memlekettik qoldaýdy merziminen buryn tolyq qaitardy. Osylaisha, Halyk óz mindettemelerin tolyq oryndapty. Bul týraly banktiń baspasóz qyzmeti habarlady.
Bul qarjyny memleket 2015 jyly «Qazaqstandyq ornyqtylyq qory» arqyly BTA men Qazkommertsbankti saqtap qalý úshin bergen. Halyk 2023 jyly maýsym men jeltoqsan aiynda depozittiń bir bóligi – 68,4 mlrd teńgeni qaitardy. Endi bank memlekettik kómektiń 181,6 mlrd teńge somasyndaǵy qaldyǵyn ótedi.
Muhtar Taijannyń sózinshe, munda bir «gáp» bar.
«Bul qarjylai kómek 2015 jyly berilgen kezde dollar baǵamy 1 dollar – 187 teńge edi jáne 250 milliard teńge – 1,3 milliard dollar bolǵan.
Qazir dollar baǵamy 450 teńge, sondyqtan 250 milliard teńge degen – 0,5 milliard dollar. Qaǵaz boiynsha bári ádemi, biraq shyn máninde qazirgi baǵam boiynsha memlekettik biýdjetke áli 800 million dollar nemese 360 milliard teńge túspegen! Sý tasqyny kezinde aqsha artyq etpes edi!», - deidi Muhtar Taijan.
