قازاقستان تاريحىندا العاش رەت سپورتتىق گيمناستيكادان وليمپيادا مەدالىن جەڭىپ العان ناريمان قۇربانوۆقا جاڭا اۆتوكولىكتىڭ كىلتى تابىستالدى، دەپ حابارلايدى Dalanews.kz.
2024 جىلعى پاريج وليمپياداسىندا كۇمىس مەدال جەڭىپ العان قۇربانوۆقا Allur اۆتوموبيل كومپانياسى جاڭا Skoda Kodiaq كولىگىن سىيلادى. جەڭىل اتلەتكە كورسەتىلگەن سىي-سياپات قازاقستان سپورت تاريحىنا قوسقان ۇلەسى ءۇشىن كورسەتىلىپ وتىر.
قۇربانوۆ التى جاسىنان باستاپ ءوز اكەسىنىڭ قول استىندا گيمناستيكامەن اينالىسا باستادى. ناريماننىڭ اكەسى بىلگىلى سپورتشى ءارى باپكەر ەكەندىگىن جۇرت جاقسى بىلەدى. 2017 جىلى ناريمان تۇتقالى ات ۇستىندە بىرەگەي ەلەمەنتتى ورىندادى. ناتيجەسىندە سول ەلەمەنت رەسمي تۇردە "The Kurbanov" اتىمەن اتالدى.
اۆتوكولىكتى تاپسىرۋ راسىمىندە كومپانيا وكىلدەرى قۇربانوۆقا كورسەتىلىپ جاتقان قۇرمەت — ەلىمىزدىڭ سپورتتىق جەتىستىكتەرىنە قوسقان ۇلەسى ءۇشىن بىلدىرىلگەن العىس ەكەنىن اتاپ ءوتتى.
"ءبىز ناريماندى ماقتان تۇتامىز جانە الداعى جەتىستىكتەرىنە دە قولداۋ بىلدىرەتىن بولامىز. وسى تەمىر تۇلپار بولاشاقتاعى جاڭا بيىك بەلەستەرگە جەتۋ جولىندا سەنىمدى سەرىگى بولادى دەپ ۇمىتتەنەمىز"، - دەدى Allur كومپانياسىنىڭ وكىلى ستانيسلاۆ و- يۋن-بەم.
سپورتشى بولسا كومپانيا تاراپىنان جەتىستىكتەرىنە قولداۋ كورسەتىپ، نازار اۋدارعانى ءۇشىن زور العىسىن ءبىلدىردى: "مەنىڭ جەڭىسىمە وتاندىق كومپانيالار تاراپىنان ريزاشىلىق ءبىلدىرىپ جاتقانىنا وتە قۋانىشتىمىن. بۇل سىيلىق سپورتتىق ارەنادا ودان ءارى دامۋعا جانە جاڭا جەڭىستەرگە جەتەلەۋگە ىنتالاندىراتىن بولادى".
ەستەرىڭىزگە سالا كەتەيىك، Allur كومپانياسى ۆولەيبولدان قازاقستاننىڭ پاراليمپيادالىق قۇراماسىنا JAC Sunray شاعىن اۆتوبۋسىن سىيعا تارتقان بولاتىن.
