«گۇلشارا ناۋشا قىزى ءابدىقالىقوۆا قىزىلوردا وبلىسىنىڭ اكىمى بولىپ تاعايىندالسىن» دەلىنگەن پرەزيدەنتتىڭ بۇيرىعىندا.
مەملەكەت باسشىسىنىڭ جارلىعىمەن قۋانىشبەك دوسمايىل ۇلى ىسقاقوۆ قىزىلوردا وبلىسىنىڭ اكىمى قىزمەتىنەن بوساتىلدى.
بۇعان دەيىن جەلىدە قۋانىشبەك ىسقاقوۆ ۇستالدى دەگەن حابارلاما تاراعان بولدى.
حابارلامادا ەكس-اكىم، ونىڭ كومەكشىسى، بيزنەسمەن تۋىسى جانە تاعى ءبىر كاسىپكەردىڭ ۇستالعانى تۋرالى ايتىلعان.
سىبايلاس جەمقورلىققا قارسى قىزمەت وكىلدەرى بۇل اقپاراتتى ازىرگە راستاعان جوق.
