وزبەكستاننىڭ زاڭگىاتا اۋدانىندا ورنالاسقان جالعىز ايەلدەر كولونياسىندا (كين-21) جازاسىن وتەپ شىققان ايەل ەلدىڭ ەكس-پرەزيدەنتى يسلام كاريموۆتىڭ قىزى گۇلنارا كاريموۆاعا تەمىر توردىڭ ار جاعىندا قانداي جاعداي جاسالعانىن ايتتى، - دەپ حابارلايدى Dalanews.kz.
انونيم ايەلدىڭ سوزىنشە، گۇلنارا كاريموۆا جازاسىن ورتاق ورتاق وتريادتا وتەپ ءجۇر.
"وعان ەرەكشە ۆيپ جاعداي جاسالماعان. ءبىراق ءتورت توسەگى بار، ونى كورپەشەمەن قورشاپ الادى. جۇمىس ىستەمەيدى. ءبىر رەت جۇمىسقا ورنالاسىپ، شۋ شىعاردى. ءبىراق تۇرمەگە وتىردىڭ با – ورتاق رەجيمدى ۇستاعان دۇرىس قوي.
ەرەكشە جاعداي جاسالعان تۇستار دا بار. مىسالى ءبارىمىز ءبىر ماتەريالدان جاسالعان كيىم كيسەك، ول اۋا وتەتىن ماتەريالدان جاسالعان فورما كيۋى مۇمكىن. نەمەسە قالعاندارىنا تىيىم سالىنسا دا باۋى بار ەتىك كيە الادى. كەيدە اينالاسىنا ونشا ەمەس كونتينگەنت ادامدارىن جيناپ الاتىن. كەيىن باسشىلىق كاريموۆامەن ارالاسۋعا تىيىم سالدى. وعان ۆيپ سالەمدەمەلەر كوپتەپ كەلەتىن. قاراپايىم اسحانادان تاماق ىشپەيدى. تەك ءوزىنىڭ تاماعىن جەيتىن. جەكە ارالاسپاپپىن"، - دەيدى انونيم ايەل Alter Ego. ۆسە پرو ۋزبەكيستان ارناسىنا بەرگەن سۇحباتىندا.
ونىڭ سوزىنشە، كەيدە كاريموۆا تۇرمەدەگىلەردەن كومەك سۇرايتىن.
"كومەكتەسىڭدەر، مەن سىرتقى الەممەن بايلانىسا المايمىن" دەگەندەي. بالكىم جۇيكەسى جۇقارىپ كەتكەن شىعار. كەيبىر ادامدار ونى كەمسىتىپ، قورلايدى دەپ ەستىگەنمىن. ءبىراق ءوزى سوعان جەتكىزەدى ەكەن. نەگىزى وعان جاعداي جاقسى جاسالعان، ونى ەشكىم جازالامايدى، جالپى قالاعان نارسەسىن الا الادى. ونى قانشالىق ءادىل جازالاعانىن بىلمەيمىن. ءبىراق اقىرى جازاڭدى وتەپ جاتىرسىڭ با – باسىڭداعى ءتاجىڭدى شەشىپ، بارىمەن بىردەي بولعان دۇرىس"، - دەيدى انونيم ايەل.
ايتا كەتەيىك، گۇلنارا - يسلام جانە تاتيانا كاريموۆالاردىڭ ۇلكەن قىزى. 2017 جىلى وزبەكستاننىڭ باس پروكۋراتۋراسى كاريموۆا تاشكەنت وبلىستىق سوتى اقشا قاراجاتىن ۇرلاعانى جانە بوپسالاعانى ءۇشىن 5 جىلعا باس بوستاندىعىن شەكتەگەن بولاتىن. كاريموۆاعا بۇل ۇكىم 2015 جىلى شىعىپ قويعان. سونداي-اق، كاريموۆا باسقا قىلمىستىق ءىس بويىنشا - وزبەكستان قىلمىستىق كودەكسىنىڭ 168، 178، 182، 189، 228 جانە 243-باپتارى بويىنشا بوتەننىڭ مۇلكىن يەمدەنگەنى، وففشورلىق شوتتارعا 1،942 ميلليارد دوللار جانە 29،1 ميلليون ەۋرو سوماسىنا "وتكات" الۋ ارقىلى شەتەل ۆاليۋتاسىن جاسىرعانى، كەدەن زاڭناماسىن بۇزعانى جانە قۇجاتتاردى قولدان جاساۋ جانە كىرىستەردى زاڭداستىرۋ بويىنشا قاماۋعا الىنعان.
2017 جىلدىڭ 18 جەلتوقسانىندا تاعى ءبىر قىلمىستىق ءىس اياسىندا وعان ون جىلعا باس بوستاندىعىنان ايىرۋ جازاسى تاعايىندالدى.
گۇلنارا كاريموۆا جازاسىن بءىرقاتار شەكتەۋلەردى ساقتاي وتىرىپ قىزى يماننىڭ تۇرعىلىقتى جەرىندە وتەۋى كەرەك ەدى. كاريموۆاعا ۇيدەن شىقپاۋ، بايلانىس قۇرالدارى مەن ينتەرنەتتى پايدالانباۋ دەگەن سەكىلدى شارت قويىلعان. ول سونداي-اق مەملەكەتكە كەلتىرىلگەن زالالدى وتەۋگە مىندەتتى بولدى. ءبىراق 2019 جىلدىڭ 6 ناۋرىزىندا جازاسىن وتەۋ شارتتارىن بۇزعاندىقتان جالپى رەجيم كولونياسىنا اۋىستىرىلدى.
تاشكەنت قالالىق سوتى وزبەكستاننىڭ تۇڭعىش پرەزيدەنتى يسلام كاريموۆتىڭ قىزى گۇلنارانى قىلمىستىق قوعامداستىق قۇرۋ تۋرالى ءىس بويىنشا 13 جىلعا باس بوستاندىعىنان ايىردى. بۇل تۋرالى رەسپۋبليكا جوعارعى سوتىنىڭ سايتىندا حابارلانادى.
سوت ءىستىڭ ماتەريالدارىن زەرتتەپ، كاريموۆانى قىلمىستىق قوعامداستىق ۇيىمداستىرۋعا، بوپسالاۋعا، ۇرلىققا قاتىسى بار دەپ تاپتى.
"سوتتىڭ ۇكىمىمەن گۇلنار كاريموۆاعا 13 جىل 4 اي باس بوستاندىعىنان ايىرۋ جازاسى تاعايىندالدى"، - دەلىنگەن حابارلامادا.
ەلدىڭ قىلمىستىق زاڭناماسىنىڭ نورمالارىن ەسكەرە وتىرىپ، سونداي-اق بىرنەشە قىلمىستار مەن بۇرىن شىعارىلعان ۇكىمدەر بويىنشا تاعايىندالعان جازالار جيىنتىعىنا سايكەس سوت كاريموۆا ءۇشىن جازا مەرزىمى 2015 جىلعى 21 تامىزدان باستاپ ەسەپتەلەتىنىن انىقتادى.
