ٶزبەكستان پرەزيدەنتٸنٸڭ ٷلكەن قىزى گٷلنەر كاريموۆاعا تيەسٸلٸ كوممەرتسييالىق قۇرىلىمداردىڭ بٸرٸندە جوعارى لاۋازىمدا بولعان نۇرمۇحامماد سادىقوۆ 18 جىلعا باس بوستاندىعىنان ايىرىلدى.
بۇل تۋرالى «ورتالىق ازيياداعى ادام قۇقىقتارى» قاۋىمداستىعىنىڭ جەتەكشٸسٸ نادەجدا اتاەۆا حابارلادى. كەي دەرەك بويىنشا, "نۋريك" ەسٸمدٸ لاقاپ اتىمەن تانىمال نۇرمۇحامماد سادىقوۆ ۇزاق جىلدار بويى ٶزبەكستان پرەزيدەنتٸنٸڭ ٷلكەن قىزى گٷلنەر كاريموۆانىڭ جەكە ەسەپشٸسٸ بولعان.
ٷش جىل بۇرىن سادىقوۆ بٸرٸككەن اراب ەمٸرلٸكتەرٸنەن ۇشىپ كەلگەن بەتتە تاشكەنت ەۋەجايىندا تۇتقىندالدى. وعان قارجىلىق الاياقتىق جاسادى دەگەن ايىپ تاعىلدى.
ەستەرٸڭٸزگە سالا كەتەيٸك, ەكٸ جىل بۇرىن ٶزبەكستاننىڭ تەرگەۋ ورىندارى پرەزيدەنت قىزىنىڭ ٸرٸ تەلەكوممۋنيكاتسييالىق كومپانييالاردان پارا الۋىنا قاتىستى جەمقورلىق ٸستەرٸنە بايلانىسى بار دەگەن ايىپپەن گٷلنەر كاريموۆانىڭ بٸرقاتار جاقىن ادامىن ۇستاعان ەدٸ. بۇل جەمقورلىق داۋىمەن قۇراما شتاتتار جەنە ەۋروپانىڭ بٸرقاتار ەلٸنٸڭ تەرگەۋ ورىندارى اينالىسۋدا. تۇتقىندالعانداردىڭ اراسىندا گٷلنەر كاريموۆانىڭ ازاماتتىق كٷيەۋٸ رۋستام مادۋماروۆ پەن ونىڭ جەكە كٶمەكشٸسٸ گايانە اۆاكيان بار.
2014 جىلدىڭ مامىرىندا مادۋماروۆ پەن اۆاكياندى ٶزبەكستاننىڭ ەسكەري سوتى ادام ۇرلادى دەگەن ايىپپەن 9 جەنە 6 جىلعا سوتتادى.
ۇرلانعان ادام دەل وسى نۇرمۇحامماد سادىقوۆ بولاتىن. نادەجدا اتاەۆانىڭ ايتۋىنشا, سادىقوۆ جەنە گٷلنەر كاريموۆانىڭ ٸستٸ بولعان ٶزگە دە جاقىن ادامدارىنا قاتىستى بارلىق سوت وتىرىسى جابىق جاعدايدا ٶتكەن.
