سۋديا سوتقا قاتىسىپ وتىرعان گٷلميرا ساتىبالدىنىڭ تۋىستارىنا ەسكەرتۋ جاسادى, - دەپ حابارلايدى Dalanews.kz Tengrinews.kz-كە سٸلتەپ.
الماتىنىڭ قىلمىستىق سوتى گٷلميرا ساتىبالدىعا قاتىستى بيزنەس سەرٸكتەسٸن بوپسالادى جەنە قاماپ ۇستادى دەگەن ايىپپەن ٸستٸ ەلٸ دە قاراپ جاتىر. سوت بارىسىندا زارداپ شەككەن كەسٸپكەردٸڭ ادۆوكاتى جەبٸرلەنۋشٸ ساتىبالدىمەن بٸرگە يەلٸك ەتەتٸن سەرٸكتەستٸكتٸڭ كادرلار بٶلٸمٸنٸڭ باسشىسىنا سۇراقتار قويدى. ادۆوكات سوتتالۋشىنىڭ كومپانيياداعى كٶمەكشٸلەرٸ تۋرالى سۇراقتى بٸرنەشە رەت قايتالادى.
"مەن نارازىمىن, ول ادامداردى شاقىرىپ, سۇراق قويۋ كەرەك", - دەدٸ ساتىبالدى كٷتپەگەن جەردەن جەبٸرلەنۋشٸنٸڭ ادۆوكاتىنا.
ايىپتالۋشىنىڭ قورعاۋشىلارى ادۆوكات بٸر سۇراقتى قايتالاي بەرەتٸنٸن جەتكٸزدٸ. وسى كەزدە زالدا وتىرعانداردىڭ داۋىسى ەستٸلدٸ.
"قۇرمەتتٸ سوت, ەسكەرتۋ بەرٸڭٸزشٸ! بٸرەۋٸ ۇيىقتاپ, قۇلاپ وتىر (بۇعان دەيٸن بٸر ەر ادام ورىندىقتان قۇلاعان - ەسك.), تەرتٸپ بۇزادى, ەكٸنشٸسٸ اشۋلانىپ, ٶز پٸكٸرٸن ايتىپ وتىر. ولاردى سوت زالىنان شىعارۋدى سۇرايمىن, ولار كەدەرگٸ جاسايدى نەمەسە ەسكەرتۋ جاساڭىز. ولار قاتتى سٶيلەپ وتىر", - دەپ جەبٸرلەنۋشٸنٸڭ ادۆوكاتى سۋدياعا.
سۋديا ادۆوكاتتىڭ ەسكەرتۋٸنە كەلٸستٸ.
"بۇل - اشىق پروتسەسس, بٸراق بۇل تەرتٸپتٸ بۇزۋعا بولادى دەگەندٸ بٸلدٸرمەيدٸ. قازٸر وسى جەردە وتىرعان ازاماتتارعا, جانكٷيەرلەرگە (سوتتالۋشىنى قولدايتىن ادامدارعا - ەسك.) ايتىپ تۇرمىن. تاعى دا ايتامىن: تەرتٸپتٸ بۇزباۋ ٶزدەرٸڭٸز ٷشٸن كەرەك. ەگەر قورعاۋشى تاراپتان شاعىم تٷسسە, شارا قولدانامىن, بارلىق تۋىسىن سوت زالىنان شىعارامىن, بۇل بوس سٶز ەمەس, مەن زاڭدى وقىپ وتىرمىن", - دەدٸ سۋديا مەرتپەك كەكٸمجانوۆ.
بۇعان دەيٸن الماتىنىڭ قىلمىستىق ٸستەر جٶنٸندەگٸ سوتىندا گٷلميرا ساتىبالدىنىڭ ٸسٸ بويىنشا الدىن الا تىڭداۋ ٶتتٸ. سوتتىڭ الدىن الا تىڭداۋى كەزٸندە گٷلميرا ساتىبالدى القابيلەر سوتىنان باس تارتتى.
سوتتالۋشى ورىندىعىندا گٷلميرا ساتىبالدىمەن قوسا, ونىڭ جٷرگٸزۋشٸسٸ مەدي باتىرشاەۆ تا بولدى. سوت وتىرىسى ونلاين رەجيمدە ٶتتٸ, ال ايىپتالۋشىلار استانانىڭ تەرگەۋ يزولياتورىندا بولدى. ارتىنشا ولار الماتىعا جەتكٸزٸلەتٸنٸ بەلگٸلٸ بولدى.
گٷلميرا ساتىبالدىعا قىلمىستىق كودەكستٸڭ 126-بابى "زاڭسىز باس بوستاندىعىنان ايىرۋ" بويىنشا ايىپپەن قوسا, اسا اۋىر قىلمىس جاسادى دەگەن ايىپ تاعىلدى: قىلمىستىق كودەكستٸڭ 194-بابىنىڭ 3-بٶلٸگٸ "ٸرi مٶلشەردە مٷلiك الۋ ماقساتىندا جاسالعان قورقىتىپ الۋشىلىق". بۇل باپ اسا اۋىر بولىپ ەسەپتەلەدٸ جەنە ول بويىنشا ايىپتالۋشى القابيلەردٸڭ قاتىسۋىمەن سوت ٶتكٸزۋدٸ سۇراۋىنا قۇقىلى.
بۇعان دەيٸن گٷلميرا ساتىبالدى مەن ونىڭ قاراماعىنداعىلارعا تاعى بٸر ٸس بويىنشا ٷكٸم شىققان ەدٸ. ول ادام ۇرلاعانى مەن وزبىرلىق جاساعانى ٷشٸن كٸنەلٸ دەپ تانىلدى.
