گۇلميرا ساتىبالدى 28 تامىزداعى سوت وتىرىسىندا سوڭعى ءسوزىن ايتپايتىنىن مالىمدەدى، - دەپ حابارلايدى Dalanews.kz.
27 تامىزدا وتكەن سوت وتىرىسىندا ايىپتالۋشى جاعدايى ناشار ەكەنىن ايتىپ، سوت وتىرىسىنا قاتىسپادى. ونىڭ مۇددەسىن ادۆوكاتى اسەمگۇل دانيالوۆا قورعادى.
بۇگىن گۇلميرا ساتىبالدى تەرگەۋ يزولياتورىنان سوت وتىرىسىنا ونلاين رەجيمدە قوسىلدى، ءبىراق سوت پروسەسى باستالار الدىندا سۋديا مارتپەك كاكىمجانوۆتان ءوزىن جىبەرۋىن، سوت جارىسسوزدەرىن ونىڭ قاتۋىسىنسىز وتكىزۋىن ءوتىندى.
"سىزدەن ءبىر عانا نارسە سۇرايمىن، كۇشىڭىزدى جيناڭىز. بۇل ءۇش ايلىق مارافون سىزگە، بارىنە، ماعان دا قاتتى اسەر ەتكەنىن تۇسىنەمىن. سىزگە قىلمىستىق ءىس جۇرگىزۋ كودەكسىنە سايكەس بۇگىن قانداي ءراسىم جوسپارلانعانىن تۇسىندىرەمىن. كەشە ءبىز سوت ءجارىسسوزىن تىڭداي باستادىق، ءسىزدىڭ ادۆوكاتىڭىز سويلەدى. بۇگىن زاڭ بويىنشا ءسىزدىڭ دە ايىپتاۋ تۋرالى ءوز ۇستانىمىڭىزدى جارىسسوزدە ايتۋعا قۇقىعىڭىز بار جانە زاڭدا سوت ءجارىسسوزدى اياقتاعاننان كەيىن سوتتالۋشىنىڭ سوڭعى ءسوزىن تىڭداۋعا كوشەدى دەپ جازىلعان. سوندىقتان شىدامدى بولىڭىز، جاراي ما؟" - دەدى مارتپەك كاكىمجانوۆ.
گۇلميرا ساتىبالدى، راسىندا دا، جاعدايى ناشار ەكەنىن جانە پروسەسكە قاتىسا المايتىنىن ايتتى. ول سوڭعى سوزىنەن دە باس تارتتى.
سوت ايىپتاۋشى تاراپ پەن جابىرلەنۋشىلەردىڭ سوزىمەن جالعاستى.
ايتا كەتەيىك، بىلتىر گۇلميرا ساتىبالدىعا ەكى رەت سوت ۇكىمى شىققان ەدى. 2023 جىلى ماۋسىمدا قىزىلوردا سوتى "بوتەننىڭ مۇلكىن يەمدەنۋ جانە جىمقىرۋ" بابى بويىنشا ايىپتالعان گۇلميرا ساتىبالدىنى 8 جىلعا باس بوستاندىعىنان ايىرعان ەدى. ونىڭ الدىندا استانا سوتى "ادام ۇرلاۋ" (125-باپ) جانە "وزىنشە بيلىك ەتۋ" (339-باپ) باپتارى بويىنشا ايىپتالعان گۇلميرا ساتىبالدىنى 7 جىلعا سوتتاعان.
بۇل جولى نازاربايەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى گۇلميرا ساتىبالدى بوپسالاۋ جانە كاسىپكەردى زاڭسىز ەركىندىگىنەن ايىرۋ ءىسى بويىنشا سوتقا تارتىلىپ وتىر.
