جۋىردا باق-تا گرەكيادا قازاقستاندىقتار ورمان ورتىنە سەبەپ بولعانى تۋرالى اقپارات تاراعان ەدى. ءبىر قىزىعى، ورتەنگەن ارال جانىنداعى ياحتادا Halyk Bank باسشىسى ءۇمىت شاياحمەتوۆا مەن وليگارح دانيار ابىلعازين بولعان، - دەپ حابارلايدى Dalanews.kz Organized Crime and Corruption Reporting Project دەرەكتەرىنە سىلتەپ.
دەرەكتەرگە سۇيەنسەك، وقيعا گرەكيانىڭ باستى تۋريزم ورتالىقتارىنىڭ بىرىندە بولعان. ارالعا دەمالۋعا كەلگەندەر ياحتادان وتشاشۋ اتقان، ارتىنشا بۇل ورمان ورتىنە سەبەپ بولعان. گيدرا مەرى گيورگوس كۋكۋداكيس اكىمشىلىك ءورتتى ۇيىمداستىرعان شەتەلدىكتەردى سوتقا بەرۋگە نيەتتى ەكەنىن دە ايتقان.
OCCRP(سىبايلاس جەمقورلىق پەن ۇيىمداسقان قىلمىستى زەرتتەۋ ورتالىعى) مالىمەتىنشە، بورتتا بولعان قازاقستاننىڭ تانىمال ازاماتتارى كەلەسى كۇنى جەكە ۇشاقپەن ەلدەن قاشىپ كەتكەن.
"ءورت گيدرا ارالىنداعى 300 000 شارشى مەتر اۋماقتى شارپىدى. ۇلتتىق ءورت ءسوندىرۋ ءبولىمى وكىلدەرى ورتكە قارسى بولىمشە گرەك ەكيپاجىنىڭ 13 مۇشەسىن تۇتقىنداعانىن حابارلادى. الايدا اپتاسىنا 250 000 ەۋروعا جالعا الۋعا بولاتىن ءساندى ياحتاداعى قوناقتاردىڭ ەشقايسى ۇستالماعان"، - دەپ جازىلعان دەرەكتە.
قالا مەرى "مۋنيسيپاليتەت كىنالىلەرگە قاتىستى شارالار قابىلداۋ جانە وتەماقى تالاپ ەتۋ ءۇشىن تەرگەۋدىڭ سوڭعى ناتيجەلەرىن كۇتىپ وتىرعانىن" ايتقان.
"پەرسەفونە I" ياحتاسىنىڭ قوناقتارى اراسىندا جەتى قازاقستاندىق بولعان. ولاردىڭ اراسىندا قازاقستاننىڭ ەڭ باي ادامدارىنىڭ ءبىرى دانيار ابىلعازين دە بولدى. ورتتەن كەيىنگى كۇنگى ۇشۋ تۋرالى جازبالار ابىلعازين ۇنەمى پايدالاناتىن جەكە ۇشاق افينا اۋەجايىنان قازاقستاننىڭ ەڭ ءىرى قالاسى الماتىعا ۇشقانىن كورسەتەدى"، - دەپ جازىلعان مالىمەتتە.
ابىلعازين بۇل جاعدايعا ەشقانداي پىكىر بىلدىرمەگەن. كەمە دەكلاراسياسىندا بورتتا ءابىلعازيننىڭ ۇلى مەن ونىڭ ايەلى ايدانا سۇلەيمەنوۆا بولعانى دا كورسەتىلگەن.
OCCRP مالىمەتتەرىندە قوناقتاردىڭ قاتارىندا قازاقستاننىڭ ءىرى قارجى مەكەمەسىنىڭ، حالىق بانكىنىڭ باس ديرەكتورى ءۇمىت شاياحمەتوۆا دا بولدى دەگەن اقپارات بار. تىزىمدە ونىڭ كۇيەۋى بەيىمبەت شاياحمەتوۆ تە بار، ول - KMG International NV ۇلتتىق مۇناي كومپانياسىنىڭ بۇرىنعى توپ-مەنەدجەرى.
OCCRP تۇسىنىكتەمە الۋ ءۇشىن سۇلەيمەنوۆاعا دا، شاياحمەتوۆاعا دا جۇگىنگەن، ءبىراق ولاردىڭ ەشقايسى جاۋاپ بەرمەگەن.
ابىلعازين دە، شاياحمەتوۆا دا نۇرسۇلتان نازاربايەۆتىڭ كۇيەۋ بالاسى تيمۋر قۇلىبايەۆپەن تىعىز بايلانىستا.
ابىلعازين قۇلىبايەۆتىڭ بىرنەشە كومپانياداعى سەرىكتەسى بولدى. ال شاياحمەتوۆا قۇلىبايەۆقا تيەسىلى بانكتە جۇمىس ىستەيدى.
بۇعان دەيىن Orda.kz تە ياحتانى جالعا العان كاسىپكەر دانيار ابىلعازين ەكەنىن جازعان ەدى.
"كەيىنىرەك ياحتانى دانيار ابىلعازين جالعا العانى بەلگىلى بولدى، الايدا كەيىن ول قازاقستاندا ەكەنى حابارلاندى"، - دەپ جازدى باسىلىم.
ارتىنشا قازاقستاننىڭ سىرتقى ىستەر مينيسترلىگى ۇستالعاندار اراسىندا قازاقستان ازاماتتارى جوق ەكەنىن مالىمدەدى.
"قازاقستاننىڭ كونسۋلى بۇل اقپارات جاريالانعاننان كەيىن وسى ىسكە قاتىستى بىردەن گرەكيا بيلىگىنە حابارلاستى. پوليسيانىڭ مالىمەتىنە سايكەس، ۇستالعاندار اراسىندا قازاقستان ازاماتتارى جوق جانە ولارعا ەشقانداي دا تالاپتار قويىلماعان"، - دەپ جازىلعان ۆەدومستۆو حابارلاماسىندا.
