بايقاۋدىڭ نەگىزگى ماقساتى – جوو-نىڭ جاستارى اراسىندا بايلانىستى دامىتىپ، ءوزارا تاجىريبە الماسۋ بولىپ تابىلادى.
«جوبالىق Start» بايقاۋىندا جاس تالانتتى ستۋدەنتتەر «الەۋمەتتىك»، «IT»، «عىلىم»، «startup» باعىتتارى بويىنشا تىڭ جوبالارىمەن جانە قىزىقتى يدەيالارىمەن ءبولىستى.
بايقاۋعا الماتى قالاسىنىڭ 12 جوعارى وقۋ ورنىنىڭ وكىلدەرى قاتىسقانىن ايتا كەتۋىمىز كەرەك. ولاردىڭ اراسىندا Satbayev University، ءال-فارابي اتىنداعى قازۇۋ، قازاق ۇلتتىق قىزدار پەداگوگيكالىق ۋنيۆەرسەتەتى، الماتى تەحنولوگيالىق ۋنيۆەرسيتەتى، تۇران ۋنيۆەرسيتەتى، حالىقارالىق بيزنەس ۋنيۆەرسيتەتى، قازاق ۇلتتىق اگرارلىق ۋنيۆەرسيتەتى، قۇرمانعازى اتىنداعى قازاق ۇلتتىق كونسەرۆاتورياسى، الماتى ەنەرگەتيكا جانە بايلانىس ۋنيۆەرسيتەتى، قازاق-بريتان تەحنيكالىق ۋنيۆەرسيتەتى جانە و.تانسىقبايەۆ اتىنداعى الماتى ساندىك-قولدانبالى ونەر كوللەدجى بار.
1 اقپان ۋنيۆەرسيتەتىمىزدىڭ جانىنان «SMART STUDENTS» جاستار باستامالارىن قولداۋ ورتالىعىنىڭ سالتاناتتى اشىلۋى ءوتىپ، جوبالار جاساۋدا جاستارىمىزدىڭ شىعارماشىلىق قابىلەتىن دامىتۋ ءۇشىن ۇلكەن مۇمكىندىكتەر پايدا بولدى.
ءىس-شارا جوبالار بايقاۋىنىڭ جەڭىمپازدارىن اقشالاي سىيلىقتارمەن ماراپاتتاۋمەن جالعاستى. جۇلدە قورى 1ء-شى ورىن – 100 000 تەڭگە، 2ء-شى ورىن – 70 000 تەڭگە، 3ء-شى ورىن – 50 000 تەڭگەنى قۇرادى. سونىمەن قاتار، 5 ىنتالاندىرۋ سىيلىقتارى ءبولىندى.
ءوزىنىڭ باسەكەگە قابىلەتتىلىگىن دالەلدەپ، 1ء-شى ورىندى ۇزدىك جوبا يەگەرى Satbayev University، 2ء-شى ورىندى قازاق ۇلتتىق اگرارلىق ۋنيۆەرسيتەتى، 3ء-شى ورىندى الماتى تەحنولوگيالىق ۋنيۆەرسيتەتى وكىلدەرى جەڭىپ الدى.
اباي اتىنداعى قازۇپۋ العاشقى بولىپ «جوبالىق start» مەگاجوباسىن وتكىزىپ، الماتى قالاسى جوعارى وقۋ ورىندارىنا ەستافەتا جولدادى. وسى باستامامەن بەلسەندى جاستار بولاشاقتا يدەولوگيالىق، يننوۆاسيالىق جوبالاردى ازىرلەۋ جانە ەنگىزۋ ارقىلى ەلدىڭ دامۋىنا ەلەۋلى ۇلەس قوساتىنى انىق.
