2025 جىلدىڭ 19 تامىز كۇنى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ق ر عىلىم جانە جوعارى ءبىلىم ءمينيسترى ساياسات نۇربەك الماتى قالاسىنىڭ تۇرعىندارىمەن كەزدەسۋ وتكىزدى، دەپ حابارلايدى Dalanews.kz.
عىلىم جانە جوعارى ءبىلىم سالاسىن دامىتۋ ماسەلەلەرىنە قاتىستى وزەكتى تاقىرىپتار تالقىلانعان كەزدەسۋگە قالا تۇرعىندارى، پروفەسسور-وقىتۋشىلار قۇرامى مەن بەلسەندى جاستار قاتىستى.
كەزدەسۋدە كوتەرىلگەن نەگىزگى ماسەلەلەر رەتىندە ق ر جوعارى ءبىلىم جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسىنا ەرەكشە نازار اۋدارىلىپ، جوعارى ءبىلىم بەرۋ، جاساندى ينتەللەكت جانە سيفرلىق ءبىلىم، AI-SANA جوباسى، ينفراقۇرىلىم مەن جاستاردى قولداۋ، عىلىمي جوبالاردى قارجىلاندىرۋدىڭ قاجەتتىگى اتالدى. سونىمەن قاتار جالاقى مەن الەۋمەتتىك كەپىلدىكتەردى ارتتىرۋ، ستۋدەنتتەر مەن جاس عالىمداردىڭ اكادەميالىق ۇتقىرلىعىن كەڭەيتۋ، قازاقستاندىق جوو-نىڭ حالىقارالىق رەيتينگتەردەگى ورنىن جاقسارتۋ جانە ءبىلىم بەرۋ باعدارلامالارىن جاڭا تەحنولوگيالارمەن جاڭارتۋ ماسەلەلەرى دە تالقىلاندى.
مينيستر ساياسات نۇربەك جيىندا ايتىلعان ءار ماسەلە بويىنشا اتقارىلىپ جاتقان جۇمىستارعا توقتالدى. ونىڭ ايتۋىنشا، دەموگرافيالىق وسىمگە بايلانىستى جوعارى ءبىلىم بەرۋ سالاسىنا تۇسەتىن جۇكتەمە ارتىپ كەلەدى.
"ءۇش جىل بۇرىن ءبىز 620 مىڭ ستۋدەنتپەن باستاعانبىز. ءقازىردىڭ وزىندە 680 مىڭنان استام ستۋدەنت وقىپ جاتىر. ال 2029-2030 جىلدارعا قاراي، ءبىزدىڭ بولجام بويىنشا، ستۋدەنتتەر سانى 1 ميلليونعا جەتەدى دەپ وتىرمىز. ينفراقۇرىلىم، سيفرلىق پلاتفورمالار، ۇزدىكسىز ءبىلىم، Coursera ءتارىزدى حالىقارالىق پلاتفورمالارمەن سەرىكتەستىكتەر - مۇنىڭ ءبارى وسى دەموگرافيالىق وسىمگە تىكەلەي بايلانىستى"، - دەپ اتاپ ءوتتى مينيستر.
باسقوسۋدا ستۋدەنتتەردى جاتاقحانامەن قامتۋ ماسەلەسى دە باستى نازاردا بولدى. بۇل تۋرالى:
"الماتى قالاسىندا ارنايى احۋالدىق ورتالىق اشىلدى، ول ارقىلى كەز كەلگەن ستۋدەنت تاۋلىكتىڭ كەز كەلگەن ۋاقىتىندا جاتاقحانا ماسەلەسى بويىنشا كومەككە جۇگىنە الادى. مۇنداي شارالار جاڭا وقۋ جىلى قارساڭىندا ەشبىر ستۋدەنتتى باسپاناسىز قالدىرماۋدى ماقسات ەتەدى"، - دەدى مينيستر ساياسات نۇربەك.
الماتى جۇرتشىلىعىنىڭ نازارىنا مەملەكەت باسشىسىنىڭ 2023 جىلعى 1 قىركۇيەكتەگى جولداۋى اياسىندا مينيسترلىك جوعارى وقۋ ورىندارى بازاسىندا جاساندى ينتەللەكت باعىتىندا كادرلار دايارلاۋ مىندەتىن ىسكە اسىرۋ جۇمىستارىنىڭ اعىمداعى ناتيجەلەرى، "كەلەشەك" ءبىرىڭعاي ەرىكتى جيناقتاۋ جۇيەسى، "ماماندىعىم - بولاشاعىم" جوباسىنىڭ جۇزەگە اسىرىلۋى سىندى وزەكتى تاقىرىپتار جونىندە تىڭ اقپاراتتار لەگى ۇسىنىلدى.
سونداي-اق رەسمي بولىمنەن كەيىن ءمينيستردىڭ جەكە قابىلداۋى ءوتىپ، وندا بىرنەشە تۇرعىن وزدەرىنىڭ جەكەلەگەن ماسەلەلەرىن تىكەلەي جەتكىزۋ مۇمكىندىگىنە يە بولدى. جەرگىلىكتى تۇرعىندار مينيسترمەن وسىنداي اشىق جۇزدەسۋ فورماتىندا پىكىرلەسۋگە مۇمكىندىك تۋعانىنا ريزاشىلىق ءبىلدىرىپ، عىلىم مەن ءبىلىم سالاسىنداعى وزگەرىستەرگە بەلسەنە اتسالىسۋعا دايىن ەكەندەرىن كورسەتتى.
