قازاقستاننىڭ ەيگٸلٸ بوكسشىسى, ۇلتتىق وليمپيادا كوميتەتٸنٸڭ پرەزيدەنتٸ ەرٸ World Boxing ۇيىمىنىڭ باسشىسى گەنناديي گولوۆكين ۋكرايناداعى «ميروتۆورەتس» سايتىنىڭ بازاسىنا ەنگٸزٸلدٸ, دەپ حابارلايدى dalanews.kz.
بۇعان World Boxing ۇيىمىنىڭ رەسەيلٸك سپورتشىلارعا قاتىستى شەكتەۋلەردٸ الىپ تاستاۋ تۋرالى شەشٸمٸ سەبەپ بولعان. اتالعان شەشٸمگە سەيكەس, رەسەي بوكسشىلارى بارلىق جاس ساناتتارى بويىنشا حالىقارالىق جارىستارعا ۇلتتىق تۋى مەن ەنۇرانىمەن قاتىسۋ مٷمكٸندٸگٸنە يە بولدى.
ۋكراينالىق سايت بۇل شەشٸمدٸ سىنعا الىپ, ۇيىم باسشىسى رەتٸندە گەنناديي گولوۆكيننٸڭ ەسٸمٸن ٶز دەرەكقورىنا ەنگٸزگەن.
گەنناديي گولوۆكين 2024 جىلدىڭ اقپان ايىنان بەرٸ قازاقستان ۇلتتىق وليمپيادا كوميتەتٸن باسقارىپ كەلەدٸ. ال 2025 جىلدىڭ قاراشاسىندا ول ٷش جىل مەرزٸمگە World Boxing ۇيىمىنىڭ پرەزيدەنتٸ بولىپ سايلانعان ەدٸ.
ايتا كەتەيٸك, گولوۆكين World Boxing ۇيىمىن باسقارعان العاشقى قازاقستاندىق قانا ەمەس, سونىمەن قاتار حالىقارالىق بوكس داڭقى زالىنا ەنگەن قازاقستاننىڭ تۇڭعىش ٶكٸلٸ سانالادى. بۇعان دەيٸن World Boxing ۇيىمى رەسەيلٸك سپورتشىلارعا قاتىستى بٸرقاتار شەكتەۋلەردٸ جەڭٸلدەتۋ تۋرالى شەشٸم قابىلداپ, بۇل حالىقارالىق سپورت قاۋىمداستىعىندا قىزۋ تالقىلاۋعا تٷسكەن بولاتىن.
