Qazaqstannyń áigili boksshysy, Ulttyq olimpiada komitetiniń prezidenti ári World Boxing uiymynyń basshysy Gennadii Golovkin Ýkrainadaǵy «Mirotvorets» saitynyń bazasyna engizildi, dep habarlaidy dalanews.kz.
Buǵan World Boxing uiymynyń reseilik sportshylarǵa qatysty shekteýlerdi alyp tastaý týraly sheshimi sebep bolǵan. Atalǵan sheshimge sáikes, Resei boksshylary barlyq jas sanattary boiynsha halyqaralyq jarystarǵa ulttyq týy men ánuranymen qatysý múmkindigine ie boldy.
Ýkrainalyq sait bul sheshimdi synǵa alyp, uiym basshysy retinde Gennadii Golovkinniń esimin óz derekqoryna engizgen.
Gennadii Golovkin 2024 jyldyń aqpan aiynan beri Qazaqstan Ulttyq olimpiada komitetin basqaryp keledi. Al 2025 jyldyń qarashasynda ol úsh jyl merzimge World Boxing uiymynyń prezidenti bolyp sailanǵan edi.
Aita keteiik, Golovkin World Boxing uiymyn basqarǵan alǵashqy qazaqstandyq qana emes, sonymen qatar Halyqaralyq boks dańqy zalyna engen Qazaqstannyń tuńǵysh ókili sanalady. Buǵan deiin World Boxing uiymy reseilik sportshylarǵa qatysty birqatar shekteýlerdi jeńildetý týraly sheshim qabyldap, bul halyqaralyq sport qaýymdastyǵynda qyzý talqylaýǵa túsken bolatyn.
