سونداي ءىس-شارالاردىڭ ءبىر بولىگى ءقازۇۋ-نىڭ قىلمىستىق قۇقىق، قىلمىستىق ءىس جۇرگىزۋ جانە پروسەسس كافەدراسىندا جۇرگىزىلۋدە. قازىرگى تاڭدا گەندەرلىك تەڭدىك قازاقستان اۋماعىندا اۋقىمدى ماسەلە بولىپ تابىلادى. ونى شەشۋ ماقساتىندا ءارتۇرلى ءىس شارالار، ارەكەتتەر جاسالۋ ۇستىندە.
ونىڭ ءبىرى قازۇۋ قىلمىستىق قۇقىق، قىلمىستىق ءىس جۇرگىزۋ جانە پروسەسس كافەدراسىنىڭ ەكىنشى كۋرس ماگيسترانتى كارابايەۆا جانسايا ءابىلقاسىم قىزىنىڭ №176 مەكتەپ-گيمنازياسىندا 9-سىنىپ وقۋشىلىرىنا «گەندەرلىك زورلىق-زومبىلىققا جول جوق» تاقىرىبىندا وتكىزگەن ءدارىسى.
وسىنداي دارىستەر وتكىزۋ ارقىلى ءبىز وسكەلەڭ ۇرپاققا گەندەرلىك تەڭدىكتىڭ ماڭىزىن، ونىڭ ماقساتىن انىق، ايقىن كورسەتە وتىرىپ ولارعا ۇلكەن تۇسىنىك بەرىپ، قۇقىقتىق سانا قالىپتاستىرۋعا تىرىسامىز. وسىنداي كىشىگىرىم شارالاردىڭ ارقاسىندا مىڭداعان جاس ۇرپاقتىڭ ساناسىنا وزەكتى ماسەلەلەردى جەتكىزە وتىرىپ، بولاشاقتا قۇقىقتىق مەملەكەت قۇرا وتىرا گەندەرلىك تەڭسىزدىك ماسەلەسىن شەشۋدە ۇلكەن جەتىستىكتەرگە جەتەمىز دەگەن ويدامىن.
بۇل ءبىزدىڭ بولاشاعىمىزعا جاساپ جاتقان ينۆەستيسيامىز. جانە وسى ينۆەستيسيانىڭ ناتيجەسىن، جاقسى تۇستارىن الداعى ۋاقىتتا كورۋ ءبىز ءۇشىن ۇلكەن جەتىستىك بولماق.
ال بۇل قازۇۋ قىلمىستىق قۇقىق، قىلمىستىق ءىس جۇرگىزۋ جانە پروسەسس كافەدراسىنىڭ جاساپ جاتقان ءىس-شارالارىنىڭ ءبىر بولىگى عانا. الداعى ۋاقىتتا وسىنداي اۋقىمدى ءىس شارالار ءوز جالعاسىن تابا بەرەدى دەگەن سەنىمدەمىن. ءار تۇلعا وسىنداي كىشىگىرىم ارەكەتتەر جاساۋ ارقىلى ۇلكەن ماقساتتارعا جەتىپ، ۇلكەن بەلەستەردى باعىندىرا بەرمەك.
بيسەنوۆا م.ق
اتاحانوۆا گ.م
ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىلارى
تۋراربەك ماديار
زاڭ فاكۋلتەتىنىڭ ستۋدەنتى
