قازنەتتە كۇيەۋى جىگىت پەن قالىڭدىقتىڭ جانجالداسقانى تۇسىرىلگەن ۆيدەولار تاراپ جاتىر، - دەپ حابارلايدى Tengrinews.kz. 

ءار روليك ءتۇرلى قالادا تۇسىرىلگەن، وندا ايتىلعان سوزدەر بىردەي. ۆيدەولاردا جاس جۇبايلار جۇرتتىڭ كوزىنشە جانجالداسادى.

بارلىق ۆيدەودا جاستار كرەديت جايلى ايتادى. سويتسەك، بۇل اكسيانى "ۇيلەنۋ تويى يندۋسترياسى ورتالىعىنىڭ" وكىلدەرى ۇيىمداستىرعان بولىپ شىقتى.

جوبا جەتەكشىسى جان مۇقانوۆتىڭ ايتۋىنشا، ولار جوبانى اشقاننان كەيىن وسىلايشا جارنامالاعىسى كەلگەن.

– ءبىز ءوز فيليالدارىمىزدى اشقان التى قالادا بۇگىن وسىنداي اكسيا ۇيىمداستىردىق. بارلىق اكتەر ءوز ءىسىنىڭ ماماندارى. وسىلايشا ءبىز وزىمىزگە نازار اۋدارعىمى كەلدى. وسىنداي دۇرلىگۋ بولادى دەپ ويلامادىق. فيليالدارىمزدى اتىراۋ، اقتوبە، قاراعاندى، استانا، الماتى جانە شىمكەنتتە اشتىق، – دەدى جان.

– مۇنداي ورتالىقتاردىڭ ەلىمىزد انالوگى جوق. ءبىز ۇيلەنۋ تويىن ۇيىمداستىرۋمەن اينالىسامىز. تويلار وتە جوعارى دەڭگەيدە وتكەنىن قالايمىز. وسى ۇيلەنۋ ورتالىقتارى تەگىن جۇمىس ىستەيدى. ياعني بۇل ۇيلەنۋ حقكو-لارى سەكىلدى، وسى ورتالىقتاردان شارانى وتكىزۋگە كەڭەس الۋعا بولادى. كليەنت ءبىزدىڭ شارا وتكىزىپ بەرۋىمىزدى قالاسا عانا اقشا تولەيدى، – دەيدى ول.

ايتا كەتەيىك، جان مۇقانوۆتىڭ Zhan Alemi Group يۆەنت-كومپانياسى 12 جىلدان اسا ۋاقىت بويى توي يندۋسترياسى سالاسىندا جۇمىس ىستەپ كەلەدى.

https://www.youtube.com/watch؟v=TBiyYzGwBqU

https://www.youtube.com/watch؟v=-Kv5ZSOvRPs

https://www.youtube.com/watch؟v=rO4ku4gHRIg