Qaznette kúıeýi jigit pen qalyńdyqtyń janjaldasqany túsirilgen vıdeolar tarap jatyr, - dep habarlaıdy Tengrinews.kz. 

Ár rolık túrli qalada túsirilgen, onda aıtylǵan sózder birdeı. Vıdeolarda jas jubaılar jurttyń kózinshe janjaldasady.

Barlyq vıdeoda jastar kredıt jaıly aıtady. Sóıtsek, bul aksıany "Úılený toıy ındýstrıasy ortalyǵynyń" ókilderi uıymdastyrǵan bolyp shyqty.

Joba jetekshisi Jan Muqanovtyń aıtýynsha, olar jobany ashqannan keıin osylaısha jarnamalaǵysy kelgen.

– Biz óz fılıaldarymyzdy ashqan alty qalada búgin osyndaı aksıa uıymdastyrdyq. Barlyq akter óz isiniń mamandary. Osylaısha biz ózimizge nazar aýdarǵymy keldi. Osyndaı dúrligý bolady dep oılamadyq. Fılıaldarymzdy Atyraý, Aqtóbe, Qaraǵandy, Astana, Almaty jáne Shymkentte ashtyq, – dedi Jan.

– Mundaı ortalyqtardyń elimizd analogy joq. Biz úılený toıyn uıymdastyrýmen aınalysamyz. Toılar óte joǵary deńgeıde ótkenin qalaımyz. Osy úılený ortalyqtary tegin jumys isteıdi. Iaǵnı bul úılený HQKO-lary sekildi, osy ortalyqtardan sharany ótkizýge keńes alýǵa bolady. Klıent bizdiń shara ótkizip berýimizdi qalasa ǵana aqsha tóleıdi, – deıdi ol.

Aıta keteıik, Jan Muqanovtyń Zhan Alemi Group ıvent-kompanıasy 12 jyldan asa ýaqyt boıy toı ındýstrıasy salasynda jumys istep keledi.

https://www.youtube.com/watch?v=TBiyYzGwBqU

https://www.youtube.com/watch?v=-Kv5ZSOvRPs

https://www.youtube.com/watch?v=rO4ku4gHRIg