فرانتسييادا 2026-2027 وقۋ جىلىنان باستاپ جوعارى سىنىپ وقۋشىلارىنا مەكتەپتە ۇيالى تەلەفون جەنە باسقا دا بايلانىس قۇرىلعىلارىن پايدالانۋعا تىيىم سالىندى. بۇل شارا بۇعان دەيٸن باستاۋىش جەنە ورتا مەكتەپتەردە ەنگٸزٸلگەن شەكتەۋدٸ ليتسەيلەرگە دە كەڭەيتتٸ, دەپ حابارلايدى dalanews.kz.
فرانتسييانىڭ بٸلٸم مينيسترلٸگٸ جاڭا تەرتٸپتٸ وقۋشىلاردىڭ وقۋ پروتسەسٸنە كٶڭٸل بٶلۋٸن ارتتىرۋ جەنە مەكتەپتەگٸ احۋالدى تىنىشتاندىرۋ ماقساتىمەن تٷسٸندٸردٸ. ۆەدومستۆو مەلٸمەتٸنشە, 2025 جىلعى زەرتتەۋدە 15-19 جاستاعى فرانتسۋز جاسٶسپٸرٸمدەرٸ ەكران الدىندا تەۋلٸگٸنە ورتا ەسەپپەن 5 ساعات 19 مينۋت ٶتكٸزەتٸنٸ انىقتالعان. ۇزاق ۋاقىت ەكران قولدانۋ كٶرۋ قابٸلەتٸنە, ۇيقىعا, زەيٸن قويۋعا جەنە ەلەۋمەتتٸك قارىم-قاتىناسقا ەسەر ەتۋٸ مٷمكٸن.
جاڭا تالاپ بويىنشا ليتسەيلەردٸڭ ٸشكٸ تەرتٸبٸندە تەلەفونداردى پايدالانۋعا قاتىستى ناقتى تەرتٸپ بەلگٸلەنەدٸ. كەي جاعدايلاردا وقۋ ماقساتىنداعى پايدالانۋ نەمەسە دەنساۋلىق جاعدايىنا بايلانىستى ەرەكشەلٸكتەر قاراستىرىلۋى مٷمكٸن.
فرانتسييا مەكتەپتەرٸندە تەلەفون مەسەلەسٸ بٸرنەشە جىلدان بەرٸ تالقىلانىپ كەلەدٸ. 2018 جىلدان باستاپ باستاۋىش جەنە كوللەدج دەڭگەيٸندەگٸ وقۋشىلارعا مەكتەپتە تەلەفون قولدانۋعا تىيىم سالىنعان. ال 2024-2025 وقۋ جىلىنان باستاپ بٸرقاتار وقۋ ورىندارىندا «Portable en pause» دەپ اتالاتىن جٷيە سىناقتان ٶتٸپ, وقۋشىلاردىڭ سمارتفوندارىن ارنايى شكافتارعا نەمەسە قاپتارعا ٶتكٸزۋ تەجٸريبەسٸ ەنگٸزٸلگەن.
ەندٸ بۇل تەسٸل جوعارى سىنىپتارعا دا تاراتىلادى. فرانتسۋز بيلٸگٸ مۇنى تەك تەرتٸپ شاراسى ەمەس, بالالاردىڭ تسيفرلىق ورتاعا شامادان تىس تەۋەلدٸلٸگٸن ازايتۋعا باعىتتالعان ساياساتتىڭ بٸر بٶلٸگٸ رەتٸندە قاراستىرىپ وتىر.
فرانتسييا بيلٸگٸ مەكتەپتەگٸ تەلەفون شەكتەۋٸن جاستاردىڭ ەلەۋمەتتٸك جەلٸلەردٸ پايدالانۋىنا قاتىستى جاڭا شارالارمەن قاتار ەنگٸزٸپ جاتىر. 2026 جىلى ەل پارلامەنتٸ 15 جاسقا تولماعان بالالاردىڭ ەلەۋمەتتٸك جەلٸلەردٸ پايدالانۋىنا شەكتەۋ قويۋ تۋرالى زاڭدى ماقۇلدادى. بۇل شارا بويىنشا جاڭا اككاۋنتتارعا جاس ەرەكشەلٸگٸنە قاتىستى تەكسەرۋ 1 قىركٷيەكتەن باستالۋى تيٸس, ال بۇرىننان بار اككاۋنتتارعا شەكتەۋ 2027 جىلدىڭ 1 قاڭتارىنان قولدانىلماق.
وسىلايشا فرانتسييا مەكتەپتەگٸ سمارتفونداردى شەكتەۋدٸ باستاۋىش سىنىپتاردان جوعارى سىنىپتارعا دەيٸن كەڭەيتٸپ, جاسٶسپٸرٸمدەردٸڭ ەكران ۋاقىتىن ازايتۋعا باعىتتالعان كەشەندٸ ساياسات قالىپتاستىرىپ وتىر.
