ەۋروپا رەسەيمەن سوعىستى باستايتىن بولسا، رەسەيدىڭ كەلىسسوز جۇرگىزەتىن ەشكىمى قالماۋى مۇمكىن. بۇل تۋرالى رف پرەزيدەنتى ۆلاديمير پۋتين مالىمدەدى، دەپ حابارلادى Dalanews.kz
«بۇل ۋكراينا ەمەس. ۋكراينامەن حيرۋرگيالىق تاسىلمەن، ۇقىپتى تۇردە ارەكەت ەتىپ جاتىرمىز، ياعني… تۇسىنىكتى عوي؟ بۇل قازىرگى زامانعى تىكەلەي ماعىناداعى سوعىس ەمەس. ال ەگەر ەۋروپا كەنەتتەن سوعىس باستاعىسى كەلىپ، ونى باستايتىن بولسا، وندا ءبىز كەلىسسوز جۇرگىزەتىن ەشكىم قالمايتىن جاعداي وتە جىلدام ورىن الۋى مۇمكىن»، – دەدى رف پرەزيدەنتى سەيسەنبى كۇنى جۋرناليستەرگە.
