ەۋرازيالىق بانكتىڭ باسشىسى ءلاززات ساتييەۆا جۇيە قۇراۋشى بانكتەردى قولداۋ ءۇشىن جاڭا قور قۇرۋ تۋرالى يدەيانى سىنعا الدى. ول قارجى ۇيىمدارىنا ونسىز دا از اۋىرتپالىق ارتىلماعانىن، ال بانكتەردى قۇتقارۋعا ولاردىڭ اكسيونەرلەرى جاۋاپتى بولۋى كەرەكتىگىن ايتادى، دەپ حابارلايدى Dalanews.kz.
قازاقستاننىڭ بانك نارىعىندا ۇكىمەتتىڭ جاڭا باستاماسى توڭىرەگىندە قىزۋ پىكىر-تالاس تۋىنداۋدا. بيلىك جۇيە قۇراۋشى بانكتەردى قولداۋدى قارجىلاندىراتىن ارنايى قور قۇرۋدى ۇسىنادى. ءبىراق بۇل يدەيا ءقازىردىڭ وزىندە توپان سىنعا ۇشىراۋدا.
ماسەلەن، ەۋرازيالىق بانك قارجى ۇيىمدارىنا ونسىز دا تىم كوپ جۇكتەمە ارتىلعان دەپ سانايدى. بانك باسقارماسىنىڭ ءتورايىمى ءلاززات ساتييەۆا جاڭا مىندەتتى اۋدارىمدار جاعدايدى ودان سايىن ناشارلاتاتىنىن ايتادى.
"بانكتەر ونسىز دا ءار ءتۇرلى قورلارعا قوماقتى سوما اۋدارىپ وتىرادى. مەنىڭ ويىمشا، بۇعان توقتاۋ بولاتىن كەز كەلدى. بانكتى قۇتقارۋ جاۋاپكەرشىلىگى بۇكىل نارىققا ەمەس، ونىڭ يەلەرىنە ارتىلۋى ءتيىس. بۇل جاۋاپكەرشىلىكتى ساپىرىلىستۋ بولادى. ەگەر بانكى زارداپ شەكسە، اكسيونەرلەرى نەگىزگى جۇكتەمەنى كوتەرۋى ءتيىس"،دەپ "رۋچنايا ەكونوميكا" Telegram ارناسى قارجى ۇيىمى باسشىسىنىڭ ءسوزىن كەلتىرەدى.
قور قۇرۋ تۋرالى دەپۋتاتتار ءقازىر قاراستىرىپ جاتقان جاڭا زاڭ جوباسىندا قامتىلعان. ونىڭ مازمۇنى دا قاراپايىم: ەگەر ءىرى بانكتەردىڭ ءبىرى قيىن جاعدايعا تاپ بولسا، وعان نارىقتىڭ بارلىق باسقا قاتىسۋشىلارىنىڭ ەسەبىنەن كومەك كورسەتىلەدى. ءتىپتى، مەملەكەتتىك قولداۋعا قۇقىعى جوق بانكتەر دە باسقا بانكتىڭ مىندەتتەمەلەرىن وتەۋگە مىندەتتى بولادى. باستاما كوپتەگەن نارىق ويىنشىلارىندا نارازالىق تۋعىزدى. ونىڭ ۇستىنە بۇرىنعى مەملەكەتتىك قولداۋ باعدارلامالارىنا قاتىسقان بانكتەر ءالى اقشانى كەرى قايتارماۋى جاعدايدى ۋشىقتىرا تۇسۋدە. قارجى نارىعىن رەتتەۋ جانە دامىتۋ اگەنتتىگىنىڭ دەرەكتەرى بويىنشا، ولار مەملەكەتكە ءالى 1،3 ترلن تەڭگەدەن استام سوما قارىز. بۇل سومانىڭ نەگىزگى بولىگى الداعى ۇش-بەس جىلدا بيۋدجەتكە ءتۇسۋى كەرەك. وسىعان بايلانىستى جاڭا قور تۋرالى ۇسىنىس داۋلى جاعدايعا تاپ كەلۋدە. ويتكەنى مۇندايدا بانكتەر ەكى رەت تولەم جاساۋعا ءماجبۇر بولادى: ەسكى قارىزدارى جانە ارىپتەستەرىن قۇتقارۋعا ارنالعان جاڭا قور بويىنشا. قارجىگەرلەر ەگەر جوبا قازىرگى كۇيىندە قابىلدانسا، بۇل بانكتەردىڭ كىرىستىلىگىنە اسەر ەتىپ قانا قويماي، كليەنتتەردىڭ دە قالتاسىن قاعۋى مۇمكىن ەكەنىن ەسكەرتەدى. قوسىمشا شىعىندار نەسيە شارتتارىن قايتا قاراۋعا جانە قىزمەت كورسەتۋ قۇنىنىڭ وسۋىنە اكەلىپ سوعۋى مۇمكىن.
"بۇل - جاي عانا جاڭا تولەم ەمەس، جۇيەنىڭ جۇمىس ىستەۋ ءپرينسيپىن وزگەرتۋ. مۇنداي قادامعا بارماس بۇرىن ونىڭ بارلىق سالدارىن تارازىلاپ، تەزدەن وتكىزىپ العان دۇرىس"، - دەيدى ساراپشىلار.
