فورۋمنىڭ ماقساتى قازىرگىزامانعى جاعدايلاردا تمد ەلدەرىندەگى ۇزدىكسىز پەداگوگيكالىق ءبىلىم بەرۋ جانە پەداگوگيكالىق كادرلاردى دايارلاۋ جۇيەسىن تالقىلاۋ، ۇزدىكسىز پەداگوگيكالىق ءبىلىم بەرۋ سالاسىندا عىلىم مەن يننوۆاسيالاردى قولداۋداعى ىنتىماقتاستىقتىڭ نەگىزگى باعىتتارىن جۇزەگە اسىرۋ ءۇشىن مەملەكەتارالىق الاڭدى ودان ءارى دامىتۋ بولىپ تابىلادى.
[caption id="attachment_38677" align="alignright" width="250"]
تاكير بالىقبايەۆ[/caption]
ءىس-شاراعا ق ر ءبىلىم جانە عىلىم ۆيسە-مينيسترى، ەۋرازيالىق پەداگوگيكالىق ۋنيۆەرسيتەتتەر قاۋىمداستىعىنىڭ قۇرامىنداعى ۋنيۆەرسيتەتتەردىڭ رەكتورلارى، اباي اتىنداعى ءقازۇپۋ-دىڭ شەتەلدىك سەرىكتەس جوعارى وقۋورىندارىنىڭ (فرانسيا، اقش، ۇلىبريتانيا، اۆستريا، پولشا، چەحيا، جاپونيا، تۇركيا، ۋكراينا ت.ب.) رەكتورلارى مەن پروفەسسورلارى، عالىمدار، تمد جانە قازاقستاننىڭ جوعارى وقۋ ورىندارىنىڭ وقىتۋشىلارى، اباي اتىنداعى قازۇپۋ پروفەسسور-وقىتۋشىلار قۇرامى مەن دوكتورانتتارى قاتىستى.
ءوز كەزەگىندە رەكتور تاكير بالىقبايەۆ، ق ر ءبىلىم جانە عىلىم ۆيسە-مينيسترى اسحات ايماعامبەتوۆ جانە شەتەلدىك جوعارى وقۋ ورىندارىنىڭ رەكتورلارى قۇتتىقتاۋ ءسوز سويلەدى. فورۋمدى رەكتور تاكير بالىقبايەۆ اشىپ، ەۋرازيالىق پەداگوگيكالىق ۋنيۆەرسيتەتتەر قاۋىمداستىعىنىڭ حالىقارالىق فورۋمىنىڭ ماڭىزدىلىعىن اتاپ ءوتتى. ءبىلىم جانە عىلىم ۆيسە-مينيسترى اسحات ايماعامبەتوۆ رەكتور مەن ۋنيۆەرسيتەت قىزمەتكەرلەرىن، فورۋمنىڭ بارلىق قاتىسۋشىلارىن اباي اتىنداعى ءقازۇپۋ-دىڭ الداعى مەرەيتويىمەن قۇتتىقتاپ، ءبىلىم جانە عىلىم ءمينيسترى ەرلان ساعادييەۆتىڭ اتىنان قۇتتىقتادى.
[caption id="attachment_38678" align="alignleft" width="250"]
اسحات ايمماعامبەتوۆ[/caption]
– قازاقستان رەسپۋبليكاسىنىڭ جەتەكشى پەداگوگيكالىق جوعارى وقۋ ورنىنىڭ 90-جىلدىعى قارساڭىندا ءوتىپ وتىرعان فورۋم جوعارى مەكتەپ جانە وقۋورىندارى وقىتۋشىلارى ءۇشىن اسا ماڭىزدى شارا ەكەنىن اتاپ ايتۋعا بولادى. اسىرەسە قازىرگى ۋاقىتتاعى ەلىمىزدەگى جوعارى مەكتەپتەر مەن جوعارى ءبىلىم بەرۋ سالاسىنداعى وزگەرىستەر ەنگىزىلۋ كەزەڭىندە. اباي اتىنداعى قازۇپۋ مەن ماسكەۋ پەداگوگيكالىق ۋنيۆەرسيتەتىنىڭ باستامالارى بويىنشا ەۋرازيالىق پەداگوگيكالىق ۋنيۆەرسيتەتتەردىڭ قاۋىمداستىعىنىڭ قۇرىلۋى وتە ماڭىزدى قادام بولىپ تابىلادى. بۇل ەەو ەلدەرىندەگى ءبىلىم جانە عىلىم سالاسىنداعى ينتەگراسياعا باعىتتالعان ءبىرىنشى مەملەكەتارالىق قوعامدىق ۇيىم. ەۋرازيالىق قاۋىمداستىقتىڭ قىزمەتى عىلىم جانە ءبىلىم بەرۋ گۋمانيتارلىق كەڭىستىگىن تابىستى قالىپتاستىرۋعا، ۇلتتىق مادەنيەتتەردى ءوزارا بايىتۋعا، ءبىزدىڭ ەلدەرىمىز اراسىنداعى بايلانىستاردى دامىتىپ، نىعايتۋعا ىقپال ەتەتىنىنە سەنىمدىمىن، – دەگەن ۆيسە-مينيستر ءسوزىنىڭ سوڭىندا ۋنيۆەرسيتەتتىڭ دامۋىنا شىعارماشىلىق تابىستار مەن جاڭا جەتىستىكتەر تىلەدى.
فورۋم جۇمىسىنەگىزگى بەس باعىتبويىنشاجۇرگىزىلدى:
- قازىرگى ۇزدىكسىز پەداگوگيكالىق ءبىلىم بەرۋدەگى ءداستۇر مەن جاڭاشىلدىق؛
- جوعارى پەداگوگيكالىق ءبىلىم بەرۋدەگى قازىرگى ۇلتتىق عىلىمي مەكتەپتەر؛
- زاماناۋي ۇستازدىڭ كاسىبي دەڭگەيدە ءوسۋ جۇيەسىندەگى ۇزدىكسىز پەداگوگيكلىق ءبىلىم بەرۋدىڭ ءرولى؛
- جاڭارتىلعان ءبىلىم مازمۇنى بويىنشا مەكتەپ پەن جوعارى وقۋ ورىندارىندا پاندەردى وقىتۋ ادىستەمەسى؛
- ءبىلىم جۇيەسىنە جاڭا ساندىق جانە اقپاراتتىق تەحنولوگيالاردى ەنگىزۋ نەگىزىندە پەداگوگيكالىق كادرلاردى دايارلاۋ.
حالىقارالىق فورۋم بارىسىندا ۇزدىكسىز پەداگوگيكالىق ءبىلىم بەرۋ ماسەلەلەرىن بىرلەسىپ تالقىلاۋعا ەاەب ەلدەرىنەن جەتەكشى عالىمداردى تارتۋ؛ الەمدىك ءبىلىم بەرۋ كەڭىستىگىنە ىقپالداسۋدىڭ نەگىزگى ماسەلەلەرى بويىنشا ۇزدىكسىز عىلىمي ديالوگتى قامتاماسىز ەتۋ؛ ۇلتتىق ءبىلىم بەرۋ جۇيەلەرى مەن جوعارى پەداگوگيكالىق ءبىلىم بەرۋدىڭ نەگىزگى ۇردىستەرى مەن نەگىزگى وقيعالارىن انىقتاۋ؛ ۇزدىكسىز پەداگوگيكالىق ءبىلىمدى دامىتۋ بويىنشا ستراتەگيالىق ۇسىنىستار مەن ۇسىنىستاردى ازىرلەۋ؛ ەاەب ەلدەرىنىڭ اراسىندا جوعارى پەداگوگيكالىق ءبىلىم بەرۋ ساپاسىن جوعارىلاتۋ سالاسىندا ءوزارا ارەكەتتەسۋدىڭ ءتيىمدى مودەلدەرىن ازىرلەۋگە جاردەمدەسۋ؛ ەپۋق ءيميدجىن ودان ءارى قالىپتاستىرۋ جانە نىعايتۋ؛ شەتەلدىك عىلىمي الماسۋدى كەڭەيتۋ جانە پەداگوگيكالىق جوعارى وقۋ ورىندارىنىڭ ءوزارا ءىس-قيمىلى ماسەلەلەرى تالقىلاندى.
فورۋم قاتىسۋشىلارىنىڭ پىكىرىنشە، ەۋرازيالىق پەداگوگيكالىق ۋنيۆەرسيتەتتەر قاۋىمداستىعىنىڭ حالىقارالىق فورۋم جۇمىسى ناتيجەلى جانە جوعارى دەڭگەيدە ءوتتى.
ريمما جانبايەۆا
