ورتالىققا مىناداي ساناتتاعى ەستۋ قابىلەتى بۇزىلعان ادامدار كومەك الۋعا جۇگىنەدى: تۇرمىستىق زورلىق-زومبىلىققا تاپ بولعان قۇرباندار؛ وتباسىلىق قيىندىقتاردى باستان وتكەرگەن ەرلى-زايىپتىلار؛ بوسانعاننان كەيىن دەپرەسسياعا ۇشىراعان انالار؛ سونداي-اق پسيحولوگيالىق قولداۋدى قاجەت ەتەتىن ادامدار. قولداۋ ىمداۋ ءتىلى ماماندارى مەن پسيحولوگتىڭ ونلاين جانە وفلاين كونسۋلتاسيالارى تۇرىندە كورسەتىلەدى.
داعدارىس ورتالىعىنىڭ پسيحولوگ-كەڭەسشىسى اننا كالينينا ايەلدەرگە ءانونيمدى تۇردە كونسۋلتاسيا بەرەدى. اننا ەستۋ قابىلەتى ناشار ادامدار ءۇشىن داعدارىس ورتالىعىنىڭ قانشالىقتى ماڭىزدى ءرول اتقاراتىنىن ايتادى:
«مەن ءۇشىن ەڭ ايقىن نارسە – ەستۋ قابىلەتى بۇزىلعان ادامداردىڭ كوپشىلىگىندە كوممۋنيكاسيانىڭ اقساۋى. بۇل قوعاممەن ارەكەتتەستىكپەن شەكتەلمەي، ءتىپتى جاقىن تۋىستارىمەن بايلانىستا دا بايقالادى. وسى ورتالىقتا بۇل ادامداردا ەستىلۋگە مۇمكىندىك بار. بۇل – گەندەرلىك ايىرماشىلىقتاردان تىس، جاي قيىندىقتارعا عانا ەمەس، قايعىلى وقيعالارعا تاپ بولعان ادامدار. بۇل – قولىندا پروبلەمالاردى شەشۋدىڭ نەگىزگى بازالىق قۇرالدارى جوق ادامدار. ءبىزدىڭ داعدارىس ورتالىعىمىز ولار ءۇشىن قاجەتتى اقپارات پەن كەڭەس الۋعا مۇمكىندىك بەرەدى، وزدەرى تاڭداعان كەز-كەلگەن باعىتتا وزدەرىن جۇزەگە اسىرۋعا مۇمكىندىك بەرەدى.
شىمكەنتتىك وتباسىلىق جۇپتىڭ وقيعاسىمەن بولىسكىم كەلىپ وتىر. كەزدەسۋدىڭ باستاماشىسى جۇبايى بولدى. ءبىراق وتباسىلىق كونسۋلتاسيادان كەيىن ءبىز ولاردىڭ ارقايسىسىمەن جەكە كونسۋلتاسيا وتكىزۋگە شەشىم قابىلدادىق. جەكە كونسۋلتاسيا بارىسىندا ايەلىنىڭ ءوز ويىن جەتكىزىپ، ءوزىن جاقسىراق سەزىنگەنىن بايقادىق. ول ءوزىنىڭ قالاۋى، ومىرگە دەگەن قىزىعۋشىلىعى، جاڭا ىسپەن اينالىسۋعا دەگەن ۇمتىلىسى بار ەكەنىن ءتۇسىندى. وسىعان بايلانىستى ەستۋ قابىلەتى بۇزىلعان ادامدارعا مۇقيات تىڭداۋشىنىڭ جەتىسپەيتىندىگىن اڭعارامىز. ياعني، جاي عانا ەستىلۋ، جان اۋرۋىمەن ءبولىسۋ مۇمكىندىگى ۇلكەن ءرول اتقارادى.
سونداي-اق، وسكەمەندىك ماحاببات ەسىمدى ايەلدى مىسالعا كەلتىرۋگە بولادى. وتباسىلىق جانجالدىڭ اياسىندا كۇيەۋى ونى يتەرىپ جىبەردى. ول بۇنداي وقيعا ونىڭ وتباسىندا بولماۋى كەرەك ەكەنىن ءتۇسىنىپ، ءبىراق ول كۇيەۋىنىڭ جانە ءوزىنىڭ مىنەز-قۇلقىن قالاي وزگەرتۋ كەرەكتىگىن، باسقاشا قالاي ءومىر ءسۇرۋ كەرەك ەكەندىگىن بىلمەدى. پسيحولوگيالىق كونسۋلتاسيادان بولەك، ءبىز وعان ارت-تەراپيانى ۇسىندىق. سۋرەت سالۋ وعان ءوزىن جاقسى سەزىنۋگە كومەكتەستى.
سونداي-اق، ەستۋ قابىلەتى بۇزىلعان ادامدارعا قولداۋ كورسەتۋ شارالارى تۋرالى اقپارات از ەكەنىن بايقادىم. ولارعا الەۋمەتتىك، قۇقىقتىق ماسەلەلەردى شەشۋ قيىنعا سوعادى. مىسالى، سەمەيدەن كەلگەن يۋليانىڭ جاعدايى. تۇرمىستىق زورلىق-زومبىلىق اياسىندا ورتالىققا جۇگىنىپ، ول ءوزىنىڭ ماسەلەلەرىن زەرتتەپ قانا قويماي، ءوزىن وبلىس ورتالىعىندا ورنالاستىرۋ مۇمكىندىگى تۋرالى دا ءبىلدى. كونسۋلتاسيادان كەيىن ول قايدا بارۋ كەرەكتىگىن جانە قيىن جاعدايدا قالاي ارەكەت ەتۋ كەرەكتىگىن ءتۇسىندى.»
بەينە قوڭىراۋلار قابىلدايتىن وپەراتور زارينا بۋروۆا داعدارىس ورتالىعىنىڭ الداعى جوسپارلارىمەن ءبولىستى:
«مەنىڭ ويىمشا ءبىزدىڭ ورتالىق قازىرگى تاڭدا ساڭىراۋ ادامدار ءۇشىن جاڭا جانە پويدالى تاجىريبە، ويتكەنى كوپشىلىگى تۋىستارىمەن سويلەسپەيدى. ەگەر پروبلەمالار تۋىنداسا، ولار قايدا بارۋ كەرەكتىگىن جانە ولارعا كىم كومەكتەسە الاتىندىعىن بىلمەيدى.
15-18 جاس ارالىعىنداعى جاسوسپىرىمدەردىڭ ءبىزدڭ كومەككە جۇگىنەتىنى مەنى قاتتى قۋانتادى. بۇل تەك تۇرمىستىق زورلىق-زومبىلىققا تاپ بولعاندار عانا ەمەس، سونىمەن بىرگە تۋىستارىمەن، انالارىمەن، اجەلەرىمەن پروبلەمالارى بار ادامدار. ولار ماسەلەنى انىقتاپ، دۇرىس جول تاپقىسى كەلەدى.
بۇل اي ناتيجەلى اي بولدى. ءبىز شىنىمەن قاجەت ەكەنىمىزدى جانە ادامدارعا كومەكتەسە الاتىنىمىزدى تۇسىندىك. كليەنتتەرىمىزدىڭ پروگرەسىن كورۋ – كەرەمەت ەموسيالار. العاشقى كونسۋلتاسيادا ءسىز كوڭىل كۇيى سولعىن اداممەن سويلەسۋىڭىز مۇمكىن، ال كەلەسىدە الدىڭىزدا تۇرعان – ءوز ءومىرىن باسقاشا سۇرۋگە شەشىم قابىلداعان مۇلدەم باسقا ادام. ەندى ول الدىنداعى ماقساتىن ايقىن كورەدى. قايتا تۋىلعانداي ومىرگە قۇشتارلىعى ارتا تۇسەدى.
كۇن سايىن ءبىز 3-4 كونسۋلتاسيا وتكىزەمىز. بىرتە-بىرتە تىلەك بىلدىرۋشىلەر سانى ارتىپ كەلەدى. ءقازىر ءبىزدىڭ ماقساتىمىز – ولارعا قيىن جاعدايلاردى جەڭۋگە جانە جول تابۋعا كومەكتەسەتىن قۇرالداردى قولدانۋدى ۇيرەتۋ.»
ءبىز ەستۋ قابىلەتى بۇزىلعان بارلىق ازاماتتاردى ءۇنسىز قالماۋعا جانە زورلىق-زومبىلىقتى توقتاتۋعا شاقىرامىز. ءسىز 8 777 505 40 28 داعدارىس ورتالىعىنىڭ نومىرىنە جازىپ نەمەسە ۆيدەوحابارلاما جىبەرە الاسىز. وتىنىشتەر جاسىرىن بولىپ قالادى. سىزگە جەكە كونسۋلتاسيا بەرۋ ۋاقىتى تاعايىندالادى جانە كومەك كورسەتىلەدى. داعدارىس ورتالىعىنا جۇگىنۋ سوتتا تۇرمىستىق زورلىق-زومبىلىق فاكتىسىن دالەلدەۋگە كومەكتەسەدى.
