2025 جىلدىڭ بٸرٸنشٸ جارتى جىلدىعىندا الماتىدا 220 ەسكٸ تۇرعىن ٷي يەسٸ جاڭا جايلى پەتەرگە كٶشتٸ. قونىس اۋدارۋ جۇمىستارىن الماتى قالاسى ەكٸمدٸگٸنٸڭ «الماتى» ەكك ەنشٸلەس ۇيىمى «قالالىق كٷردەلٸ قۇرىلىس كەسٸپورنى» جشس جەنە ينۆەستورلار «الماتى قالاسىنىڭ تۇرعىن ٷيدٸ جاڭارتۋ باعدارلاماسى - 2030» اياسىندا جٷزەگە اسىرىپ وتىر,- دەپ حابارلايدى Dalanews.kz
الماتىلىقتار جاڭا باسپانانى «بٶلمە ورنىنا بٶلمە» قاعيداتى بويىنشا نەمەسە بۇرىنعى تۇرعىن ٷيٸنٸڭ نارىقتىق قۇنىنا سەيكەس ٶتەماقى الۋ ارقىلى يەلەندٸ. جاڭارتۋ باعدارلاماسى اياسىندا بارلىق پەتەر تازا ەرلەۋمەن بەرٸلەدٸ. وندا ينتەرنەت جٷرگٸزٸلٸپ, ٶرتكە قارسى دابىل جٷيەسٸ, سانتەحنيكا, فايانس, گاز نەمەسە ەلەكتر پليتاسى ورناتىلعان.
اتالعان كەزەڭدە ەڭ كٶپ تۇرعىن تٷركسٸب اۋدانىندا – 99 ادام, المالى اۋدانىندا – 57, جەتٸسۋ اۋدانىندا – 32, ەۋەزوۆ اۋدانىندا – 20, بوستاندىق اۋدانىندا – 7, الاتاۋ اۋدانىندا – 3 جەنە مەدەۋ اۋدانىندا – 2 ادام جاڭا پەتەرگە قونىستاندى.
باعدارلاماعا سەيكەس, كٶشٸرۋ جەنە عيماراتتاردى سٷرۋ جۇمىستارى بارلىق مەنشٸك يەلەرٸنٸڭ كەلٸسٸمٸمەن عانا جٷرگٸزٸلەدٸ. ەرەكشە كٷتٸمدٸ قاجەت ەتەتٸن ادامدار ٷشٸن بٸرٸنشٸ قاباتتاعى نەمەسە جەدەلساتى, پاندۋس جەنە كەدەرگٸسٸز قولجەتٸمدٸلٸگٸ بار ٷيلەردەن پەتەر قاراستىرىلعان. قالا تۇرعىندارىنىڭ قاۋٸپسٸزدٸگٸن قامتاماسىز ەتۋ ماقساتىندا ەسٸرەسە كاركاس-قامىستى ٷيلەر مەن تەكتونيكالىق جارىق ايماعىندا ورنالاسقان عيماراتتاردى سٷرۋگە ەرەكشە كٶڭٸل بٶلٸنەدٸ.
بەرٸلگەن باسپاناعا كٶشۋدەن باس تارتقان جاعدايدا تۇرعىندار ەسكٸ ٷيدە تۇرا بەرەدٸ, بٸراق ىقتيمال قاۋٸپ-قاتەرگە ٶزٸ جاۋاپتى بولادى.
بيىل جىل سوڭىنا دەيٸن «قالالىق كٷردەلٸ قۇرىلىس كەسٸپورنى» مەن ينۆەستورلاردىڭ كٷشٸمەن تاعى 600-دەن استام ادامدى جاڭا تۇرعىن ٷيمەن قامتاماسىز ەتۋ جوسپارلانىپ وتىر.
«جاڭارتۋ باعدارلاماسى كەشەندٸ تەسٸلگە نەگٸزدەلگەن. تۇرعىن ٷي عانا ەمەس, سونىمەن بٸرگە قالا تۇرعىندارىنىڭ ٶمٸر سالتى ٶزگەرەدٸ: جايلى ورتا قالىپتاسىپ, جاڭا قوعامدىق كەڭٸستٸكتەر, جۇمىس ورىندارى مەن قىزمەتتەر پايدا بولادى. سونىمەن قاتار, الماتىنىڭ سەۋلەتتٸك كەلبەتٸ جاڭارادى. 2030 جىلعا دەيٸن قالاداعى ەسكٸ ٷيلەردٸڭ سانىن 1 366-دان 690-عا دەيٸن ازايتىپ, شامامەن 7 500 مەنشٸك يەسٸن زاماناۋي پەتەرگە كٶشٸرۋ جوسپارلانىپ وتىر», — دەدٸ «قالالىق كٷردەلٸ قۇرىلىس كەسٸپورنى» جشس باسقارما تٶراعاسى رينات قۇرمانوۆ.
«الماتىنىڭ تۇرعىن ٷيدٸ جاڭارتۋ باعدارلاماسى – 2030» قالالىق ەكٸمدٸك تاراپىنان ەزٸرلەنٸپ, 2024 جىلدىڭ قاراشا ايىندا مەسليحات بەكٸتكەن. باعدارلامانىڭ ەكٸمشٸسٸ «الماتى» ەكك» اق, ال ۋەكٸلەتتٸ ۇيىم الماتى قالاسى ەكٸمدٸگٸنٸڭ «قالالىق كٷردەلٸ قۇرىلىس كەسٸپورنى» جشس.
