مەجٸلٸس دەپۋتاتى باقىتجان بازاربەك "قاسقا جول" YouTube-ارناسىنا بەرگەن سۇحباتىندا قازاقستاننىڭ ميلليونداعان گەكتار ۇلان بايتاق جەرٸ جەكە ادامدارعا زاڭسىز ٶتٸپ كەتكەنٸن ايتتى, - دەپ حابارلايدى Dalanews.kz.
دەپۋتاتتىڭ سٶزٸنشە, بٸر مەملەكەتتەردٸڭ 30 پايىز كٶلەمٸن الاتىن جەر قازاقستاندا تەك بٸر كومپانييانىڭ قولىندا.
"10 ميلليون جەر مەملەكەتتٸك مەنشٸككە قايتارىلدى. 10 ميلليون بوستان-بوس جەر ەمەس. قاراعاندى وبلىسىندا 1 ميلليون گەكتار جەر بٸر جشس-نىڭ قولىندا. كٶبٸ "قاراپايىمنان جەردٸ الاسىزدار دا, ٷلكەن دٶكەيلەردەن المايسىزدار" دەيدٸ. بۇل جۇمىس ەندٸ باستالدى. بٷكٸل ەكٸمدٸكتٸڭ باقىلاۋ فۋنكتسييالارىن جەر رەسۋرسىن باسقارۋ كوميتەتٸنە ەندٸ عانا قايتاردى. وعان ارىز جازدىق. سٶيتٸپ, جەڭٸسكە جەتٸپ, تولىق ٶكٸلەتتٸلٸكتٸ بەردٸك", - دەيدٸ بازاربەك.
2022 جىلى قىركٷيەكتەن باستاپ قازاقستاندا جەر سالاسىنا قاتىستى موراتوريي الىنىپ تاستالعان. دەپۋتات وسى كەزدە 5 مىڭ سۋبەكتٸگە تەكسەرٸس اشىلعانىن جەتكٸزدٸ. ال بىلتىر 10 ميلليون جەر قايتارىلعان.
"ونىمەن شەكتەلمەيمٸز. قانشا جەر زاڭسىز كەتٸپ قالعانىن بٸلمەيمٸز. 30 جىلدا بەرٸلگەن جەرلەر. جەر كودەكسٸ نورمالارىنا قاراماي, اعاسى, كٶكەسٸ, جەكەسٸ, ٸنٸسٸ, باۋىرى, اناۋ وليگارحتىڭ, مىنا پروكۋروردىڭ, اناۋ ەكٸمنٸڭ تۋعان-تۋىستارىنا, تامىرلارىنا بەرە بەرگەن. ەندٸ ەدٸلدٸكتٸ قالپىنا كەلتٸرٸپ جاتىرمىز. ەپ سەتتە بەرٸن الىپ قويۋ مٷمكٸن ەمەس.
ەسكٸ قازاقستاننىڭ ٶكٸلدەرٸ بارلىق جەردە وتىر, ايىرىلعىسى كەلمەيدٸ. وليگارحتىڭ ارتىندا سول اۋداننىڭ پروكۋرورى وتىر. ول "يە, يە, وليگارحتاردان جەردٸ الامىز" دەيدٸ. ەفير بٸتكەننەن كەيٸن وليگارحتى شاقىرىپ الىپ, "سەنٸڭ جەرٸڭدٸ تەكسەرەيٸن دەپ جاتىر, مىنا جەردٸ انانىڭ اتىنا رەسٸمدەپ جٸبەر, مەن ساعان جولدارىن كٶرسەتٸپ وتىرامىن" دەيدٸ.
بيلٸكتە قازٸر ەسكٸ قازاقستاننىڭ ٶكٸلدەرٸ بار. ولار پروكۋراتۋرادا وتىر, وبلىستىق ەكٸمدٸكتە وتىر, مينيسترلٸكتە وتىر. سوندىقتان ەسكٸ قازاقستاننىڭ ٶكٸلدەرٸنەن تازارتۋىمىز كەرەك", - دەدٸ دەپۋتات.
