جۋىردا داريعا نازاربايەۆا نەمەرەلەرىمەن دۋباي اۋەجايىندا كوزگە ءتۇستى. ءماجىلىس دەپۋتاتى باقىتجان بازاربەك وسى جايتقا پىكىر ءبىلدىردى، – دەپ حابارلايدى Dalanews.kz.

دەپۋتات باقىتجان بازاربەكتىڭ پىكىرى

دەپۋتاتتىڭ سوزىنشە، ەسكى قازاقستاننان دا ماڭىزدى، ءمان بەرەتىن دۇنيە كوپ.

"كەلەدى، كەتەدى. وعان ءمان بەرمەۋىمىز كەرەك. ەرتەڭ نازاربايەۆ تا كەلۋى مۇمكىن نەمەسە باسقا دا ەسكى قازاقستاننىڭ وكىلدەرى كەلۋى مۇمكىن. ءبىز قازىرگى قوعامداعى پروبلەماعا ءمان بەرۋىمىز كەرەك. جەپ جاتىر. جەمقورلىققا، الاياقتىققا ءمان بەرۋىمىز كەرەك"، - دەدى ول.

جەلىدە تاراعان سۋرەت

ايتا كەتەيىك، بۇعان دەيىن داريعا نازاربايەۆانىڭ سۋرەتى جۋرناليست سىرىم يتقۇلوۆتىڭ Telegram ارناسىندا تارادى. سۋرەتتى ءجۋرناليستىڭ وقىرماندارى جىبەرگەن.

ءجۋرناليستىڭ سوزىنشە، داريعا نازاربايەۆا دۋبايدان استاناعا نەمەرەلەرىمەن ۇشپاق بولعان جەرىندە كوزگە تۇسكەن.