مينيستر مىرزا ەۋەلٸ ەلٸمٸزدە عانا ەمەس, بٷكٸل ەلەمدە قالىپتاسىپ وتىرعان ەكسترەميزم مەن تەرروريزم مەسەلەلەرٸ تۋرالى بايانداپ, حالىققا دٸني ساۋاتتىلىق جۇمىستارىن ٷيەلٸ جٷرگٸزۋدٸڭ ماڭىزدىلىعى جٶنٸندە ويىمەن بٶلٸستٸ. سوڭعى جىلدارى ەلٸمٸزدە ۇلتتىق دەستٷر مەن دٸني قاعيدالاردى بٸر-بٸرٸنە قارسى قويۋ ٷردٸسٸ بەلەڭ الىپ بارا جاتقانىنا قىنجىلعان مينيستر, دٸني راديكاليزمنٸڭ ٶرشٸمەۋٸن قاداعالاۋ ٷشٸن وتباسىلىق تەربيەنٸڭ ماڭىزى زور ەكەنٸنە توقتالدى.
«اتا-انا تەربيەسٸ, وتباسىلىق قۇندىلىق شايقالعان قوعامنىڭ بەرەكەسٸ قاشادى. بٸز ٶز جاۋاپكەرشٸلٸگٸمٸزدٸ ۇمىتپاۋعا تيٸسپٸز. اتا-انانىڭ بالاسى الدىنداعى, بالانىڭ اتا-انا الدىنداعى پارىز-مٸندەتٸ – ٷلكەنگە قۇرمەت, كٸشٸگە ٸزەت. قازاق حالقى مۇنى جاقسى تٷسٸنگەن» دەگەن مينيستر جات اعىمنىڭ جەتەگٸندە كەتكەن جاستاردى قوعام بولىپ ورتاعا تارتۋ كەرەك دەپ ويلايدى.
[caption id="attachment_30159" align="alignleft" width="451"]
«قىزداردىڭ بەتتەرٸن تۇمشالاپ قارا كٶيلەك كييۋٸ ۇلتىمىزدىڭ دەستٷرٸنە جات. بۇل بٸزدٸڭ سانا-سەزٸمٸمٸزگە دە, زاماناۋي دامىعان ەلدٸڭ قوعامدىق تەرتٸپ پەن قاۋٸپسٸزدٸك تالاپتارىنا دا سەيكەس كەلمەيدٸ. بۇل تاياۋ شىعىس ەلدەرٸنٸڭ سول ايماقتىڭ اۋا-رايى مەن تۇرعىندارىنىڭ مەدەني-تاريحي ەدەت-عۇرىپتارى مەن سالت-دەستٷرٸنەن تۋىنداعان ەيەلدەردٸڭ دەستٷرلٸ كيٸمٸ. بٸزگە ٶز مەدەني-سالتىمىزعا جاراسپايتىن كيٸمنٸڭ كەرەگٸ جوق», - دەپ اتاپ ٶتتٸ مينيستر.
مينيستر قارا كيٸممەن تۇمشالانۋ, جٷزٸن ەلدەن جاسىرۋ – بٸزدٸڭ ۇعىم-تٷسٸنٸگٸمٸزگە دە, سالتىمىزعا دا سىيىمسىز. ەجەلگٸ قازاقتىڭ قىز-كەلٸنشەكتەرٸ ەشقاشان بۇلاي تۇمشالانباعان. يماندىلىق كيٸممەن ەمەس, يمانمەن, ٸزگٸ امالمەن ٶلشەنەدٸ.
«ناعىز مۇسىلمان كيگەن كيٸمٸنەن نە ساقال قويۋىمەن ەمەس, جٷرەگٸندەگٸ ٸشكٸ جان دٷنيەسٸمەن تانىلادى. تەكە ساقال مەن قارا كيٸمدەر – ول ٷلكەن پروبلەمانىڭ بٸر عانا بٶلٸگٸ. بۇل جەردە بٸز دەستٷرلٸ ساقال قويۋ ٷردٸسٸن ايتىپ تۇرعان وقپىز. دٸنگە بەرٸكتٸك ساقال مەن كيٸمگە بايلانىستى ەمەس», - دەدٸ ەرمەكباەۆ.
«ٶزٸڭدٸ ٶسٸرگەن, مەديتسينا جەنە باسپانامەن قامتاماسىز ەتكەن, سىرتقى جەنە ٸشكٸ قاۋٸپ-قاتەرلەردەن قورعاعان مەملەكەتتٸڭ قاعيداتتارىمەن كەلٸسپەۋشٸلٸگٸڭدٸ اشىق تٷردە كٶرسەتۋ قايىرىمسىزدىقتىڭ ەڭ جوعارى ساتىسى دەپ ەسەپتەيمٸن. ال قايىرىمسىزدىق بارلىق دٸندەردە ٷلكەن كٷنە» ەكەنٸن ەسكەرتە كەلٸپ. «دٸنٸ بار دا, ۇلتى جوق, ساقالى بار دا, مۇرتى جوق. تەكە ساقال, قىرما مۇرت, ەلدٸڭ تٷبٸنە سول جەتەر» دەپ, عۇلاما مەشھۇر جٷسٸپتٸڭ ويىمەن سٶزٸن تٷيٸندەگەن مينيستر يمامدار مەن دٸني قىزمەتكەرلەردٸ جاستارمەن ەلەۋمەتتٸك جەلٸ ارقىلى جۇمىس اساۋعا ٷندەدٸ. الداعى ۋاقىتتا دٸني اعارتۋشىلىق جۇمىستارىن جٷيەلٸ تٷردە جٷرگٸزۋدٸڭ كەشەندٸ باعدارلاماسىن دا جاسايتىنى ايتىلدى.
