ءىىم قىلمىستىق اتقارۋ جۇيەسى كوميتەتىندەگىلەر جەمقورلىق پەن قىزمەتىن اسىرا پايدالانعانى ءۇشىن سوتتالعان بىرنەشە قازاقستاندىق شەنەۋنىك قاي جەردە جازاسىن وتەپ جاتقانىن ايتتى، - دەپ حابارلايدى Dalanews.kz.
2016 جىلى اسا ءىرى كولەمدە پارا العان "استانا ەكسپو-2017" ۇلتتىق كومپانياسىنىڭ ەكس باسشىسى، بۇرىنعى تۋريزم جانە سپورت ءمينيسترى تالعات ەرمەگيايەۆ سوتتالعان بولاتىن.
ال بىلتىر ەڭبەك جانە حالىقتى الەۋمەتتىك قورعاۋ ۆيسە-مينيسترى بولعان نۇرجان التايەۆ جانە يندۋستريا جانە ينفراقۇرىلىمدىق دامۋ ۆيسە-مينيسترى تيمۋر توقتابايەۆ تا سوتتالعان بولاتىن.
قاجد وكىلدەرى Tengrinews.kz رەداكسياسىنىڭ رەسمي ساۋالىنا بەرگەن جاۋابىندا سوتتالعاندار جازاسىن قىلمىستىق-اتقارۋ جۇيەسىنىڭ ارالاس قاۋىپسىزدىك مەكەمەلەرىندە وتەپ جاتقانىن ايتتى.
"سوتتالعاندار پەنيتەنسيارلىق مەكەمەلەردە جالپى نەگىزدە جازاسىن وتەپ جاتىر. ولاردىڭ ءتارتىبى جاقسى"، - دەلىنگەن حابارلامادا.
بۇعان دەيىن ەرمەگيايەۆتىڭ تۇرمەدە جەكە كابينەتى بولعان دەگەن قاۋەسەت تاراعان بولاتىن. ق ر باس پروكۋراتۋراسى زاڭدىق كۇشىنە ەنگەن ۇكىمدەردىڭ زاڭدىلىعىن جانە ولاردىڭ ورىندالۋىن قاداعالاۋ قىزمەتىنىڭ باستىعى قايرات جاقىپبايەۆ جۋرناليستەرمەن باسپا ءسوز ماسليحاتىن وتكىزىپ، "استانا ەكسپو-2017" ۇلتتىق كومپانيياسىنىڭ بۇرىنعى باسشىسىنا تۇرمەدە جاسالعان جاعداي تۋرالى ايتىپ بەردى.
"شىن مانىندە ەرمەگيايەۆ VIP-كامەرادا وتىردى دەگەن اقپارات شىندىققا جاناسپايدى. تەك جازاسىن وتەۋ مەكەمەسىندە وعان ارنايى كابينەت جابدىقتالعان. وعان قوسا، ەرمەگيايەۆ وتىرعان كامەرادا وعان بەلگىلى ءبىر دارەجەدە جەڭىلدىكتەر بەرىلگەن»، - دەدى قايرات جاقىپبايەۆ.
سونداي-اق، جاقىپبايەۆتىڭ سوزىنە سۇيەنسەك، سوتتالعان ازاماتقا كۇندىز ازداپ ەركىندىك بەرىلگەنىمەن، تۇندە ول كامەراسىندا جاتقان.
"بۇل وقيعاعا قاتىستى قىلمىستىق ءىس قوزعالىپ، قىزمەتكەرلەر جۇمىستان شىعارىلدى. 16 ادام جازاعا تارتىلدى. قاڭتار ايىندا پروكۋرورلار بارلىق تۇزەۋ مەكەمەلەرىن تەكسەرىپ شىقتى. وندا سوتتالعان ازاماتتاردان ۇيالى تەلەفون، تۇرمىستىق تەحنيكا، كىلەم مەن جيھازدار تابىلعان"، - دەدى جاقىپبايەۆ.
