قازاقستان رەسپۋبليكاسىنىڭ مەملەكەتتٸك كەڭەسشٸسٸ ەرلان قارين قازاقستان ٸشكٸ جەنە سىرتقى ساياساتىن بٸرەۋگە ۇناۋ ٷشٸن جٷرگٸزبەيتٸنٸن ايتتى, - دەپ حابارلايدى Dalanews.kz.
ەلٸمٸز تەۋەلسٸزدٸگٸن جارييالاپ, شەكاراسىن شەگەندەپ, مەملەكەتتٸك ينستيتۋتتارى مەن زاڭنامالىق بازاسىن قالىپتاستىرعاننان كەيٸن ۇلتتىڭ ساياسي ميسسيياسى اياقتالدى دەپ سانايتىندار بار. بۇل – تٷبٸرٸمەن جاڭساق پٸكٸر. الدىمىزدا قاستەرلٸ تەۋەلسٸزدٸگٸمٸزدٸ قورعاۋ, مەملەكەتٸمٸزدٸ دامىتىپ, ونى قۋاتتى ەلگە اينالدىرۋ, سونداي-اق حالىقتىڭ ەل-اۋقاتىن ارتتىرۋ سەكٸلدٸ ماڭىزدى مٸندەتتەر تۇر.
بٸرەگەيلٸگٸمٸزدٸ جەنە ٶزٸندٸك ٶمٸر سالتىمىزدى ساقتاۋ – ٸشكٸ ساياساتىمىزدىڭ كٷن تەرتٸبٸندە تۇرعان باستى مٸندەت. بۇل – بٸزدٸ باسقا ەلدەردەن, باسقا حالىقتار مەن باسقا مەدەنيەتتەردەن ەرەكشەلەپ تۇراتىن قۇندىلىقتار, ياعني جۇرتىمىزدىڭ تامىرى تەرەڭ شەجٸرەسٸ, كٶپ ۇلتتى, كٶپ تٸلدٸ سيپاتى, دٸني تولەرانتتىلىعى جەنە مەدەنيەتٸمٸزدٸڭ ەر الۋاندىعى, بٸر-بٸرٸمٸزبەن تٸل تابىسا بٸلۋٸمٸز, ٶزارا قولداۋ كٶرسەتۋٸمٸز جەنە ىرىستى ىنتىماعىمىز. وسىنىڭ بەرٸ تۇتاسا كەلگەندە, قازاقستاننىڭ ٶمٸر سالتىن تانىتادى. بٸر سٶزبەن ايتساق, بٸز وزىق ويلى ۇلت رەتٸندە ەردايىم ستراتەگييالىق باعدارىمىزدى بەرٸك ۇستانىپ, ۇلتتىق مٷددەمٸز بەن ٶمٸر سالتىمىزدى دەيەكتٸ ەرٸ تاباندى تٷردە قورعاۋىمىز كەرەك.
بٸز سىرتتان كەلەتٸن ارانداتۋشىلارعا ٸلەسٸپ, جات اقپارات پەن يدەولوگييانىڭ جەتەگٸندە كەتپەگەنٸمٸز جٶن. ٸشكٸ ساياساتتا تەك ٶزٸمٸزدٸڭ كٷن تەرتٸبٸمٸزدٸ باسشىلىققا الۋىمىز قاجەت. بۇل – بٸرەۋگە نەمەسە بٸردەڭەگە قارسىلىقتىڭ ەمەس, كەرٸسٸنشە, يگٸلٸك پەن ىرىستىڭ جولى. بٸزدٸڭ ٸشكٸ كٷن تەرتٸبٸمٸز جاسامپازدىققا نەگٸزدەلگەن, ول جاڭا قوعام قۇرۋدى, جان-جاقتى جاڭعىرۋدى جەنە رەفورمالار جٷرگٸزۋ ماقساتىن كٶزدەيدٸ.
مەملەكەت باسشىسى قاسىم-جومارت توقاەۆ ەلٸمٸزدٸڭ ٶز ۇستانىمدارىن جەنە ۇلتتىق مٷددەسٸن بەرٸنەن بيٸك قويۋى قاجەتتٸگٸن بٸرنەشە مەرتە اتاپ ٶتتٸ. مەسەلەن, جۋىردا سينگاپۋرعا ساپارى كەزٸندە ارنايى دەرٸس وقىپ, بٸزدٸڭ بٷكٸل ەلەممەن ٶزارا ىنتىماقتاستىق ورناتۋعا اشىق ەكەنٸمٸزدٸ, بٸراق قازاقستاننىڭ زاڭدى قۇقىقتارى مەن مٷددەسٸن قورعاۋعا كەلگەندە ەشقاشان قاراپ قالمايتىنىمىزدى قاداپ ايتتى. پرەزيدەنت ەلٸمٸزدٸڭ بەيتاراپ ۇستانىمى قاقتىعىس پەن مەجبٷرلەۋدٸ ەمەس, ديپلوماتييا مەن ديالوگتٸ جاقتايتىن سانالى تاڭداۋ ەكەنٸن اتاپ ٶتتٸ.
قازاقستان ٸشكٸ جەنە سىرتقى ساياساتىن بٸرەۋگە ۇناۋ ٷشٸن نەمەسە قانداي دا بٸر ٷردٸسكە ٸلەسۋ ٷشٸن جٷرگٸزبەيدٸ. بٸز, ەڭ ەۋەلٸ, ۇلت مٷددەسٸن, تٶل ۇستانىمدارىمىزدى باسشىلىققا الامىز. جاھاندىق ساياساتتا كٶڭٸلشەكتٸك پەن اڭعالدىققا جول بەرۋگە ەستە بولمايدى. كٶپ ۆەكتورلى نەمەسە بەيتاراپ ساياسات جٷرگٸزۋ وڭاي ەرٸ ىڭعايلى دەگەن پٸكٸر بار. بۇل شىندىققا جاناسپايتىن ديلەتانتتىق تۇجىرىم دەۋگە بولادى. قازاقستان كٶپ ۆەكتورلى, ساليقالى ساياسات جٷرگٸزٸپ وتىر. مۇنداي ساياسات ۇستانۋ, ەسٸرەسە جەر جٷزٸ سان تاراپقا بٶلٸنگەن قازٸرگٸ كەزەڭدە ٶتە قيىن جەنە وراسان زور كٷش-جٸگەردٸ تالاپ ەدٸ.
وسىنداي ساياسات جٷرگٸزۋ وڭاي ەمەس ەكەنٸ انىق. بٸراق گەوساياسي ورنىمىزدى ەسكەرسەك جەنە ەلٸمٸزدٸڭ مٷددەسٸن ويلاساق, بۇدان باسقا جول جوق. سوندىقتان قازٸرگٸدەي قيىن كەزدە ۇلتتىق مٷددەمٸزدٸ قورعاپ, ٶز ۇستانىمدارىمىزدى ساقتاۋ ٷشٸن ەل بٸرلٸگٸن جەنە قوعامنىڭ تۇتاستىعىن نىعايتا تٷسۋ ايرىقشا ماڭىزدى.
