مەملەكەتتىك كەڭەسشى ەرلان ءقاريننىڭ ءتوراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ كەزەكتى وتىرىسى ءوتتى، – دەپ حابارلايدى Dalanews.kz
جيىندا قازاقستان ازاماتتىعىنا قابىلداۋ جانە ودان شىعارۋ ماسەلەلەرى قارالدى.
مەملەكەتتىك كەڭەسشى جاڭا ەرەجەلەردى ءتۇسىندىردى.
«تۋرا ءبىر جىل بۇرىن 2024 جىلى 16 مامىردا مەملەكەت باسشىسى ارنايى زاڭعا قول قويعان بولاتىن. بۇل قۇجاتقا سايكەس، ازاماتتىق الۋ جانە ونى قالپىنا كەلتىرۋ كەزىندە مەملەكەتتىك ءتىل، كونستيتۋسيا نەگىزدەرى جانە قازاقستان تاريحى بويىنشا تەست تاپسىرۋ قاجەت.
مۇنداي جۇيەنى ەنگىزۋ مەملەكەتكە، ءتول تاريحىمىزعا جانە انا تىلىمىزگە قۇرمەتپەن قاراۋعا، سونداي-اق ازاماتتىق جاۋاپكەرشىلىكتى سەزىنۋگە ىقپال ەتەدى.
بۇدان بولەك، اتالعان شارالار ۇمىتكەرلەردىڭ تىڭعىلىقتى دايىندالىپ، حالىقپەن ەتەنە ارالاسىپ كەتۋىنە مۇمكىندىك بەرەدى»، – دەپ اتاپ ءوتتى ەرلان قارين.
