Memlekettik keńesshi Erlan Qarinniń tóraǵalyq etýimen Qazaqstan Respýblikasy Prezidentiniń janyndaǵy Azamattyq máseleleri jónindegi komissiianyń kezekti otyrysy ótti, – dep habarlaidy Dalanews.kz
Jiynda Qazaqstan azamattyǵyna qabyldaý jáne odan shyǵarý máseleleri qaraldy.
Memlekettik keńesshi jańa erejelerdi túsindirdi.
«Týra bir jyl buryn 2024 jyly 16 mamyrda Memleket basshysy arnaiy zańǵa qol qoiǵan bolatyn. Bul qujatqa sáikes, azamattyq alý jáne ony qalpyna keltirý kezinde memlekettik til, Konstitýtsiia negizderi jáne Qazaqstan tarihy boiynsha test tapsyrý qajet.
Mundai júieni engizý memleketke, tól tarihymyzǵa jáne ana tilimizge qurmetpen qaraýǵa, sondai-aq azamattyq jaýapkershilikti sezinýge yqpal etedi.
Budan bólek, atalǵan sharalar úmitkerlerdiń tyńǵylyqty daiyndalyp, halyqpen etene aralasyp ketýine múmkindik beredi», – dep atap ótti Erlan Qarin.
